شعر ارتحت من كثر التفاكير

ارتحت من كثر التفاكير مده = وفرحت في مبدا مسيره جديده

قلت أقبلت لي واختفت كل شده = والهم حان اليوم موعد شديده

راح الشقا لعل مــــالله يــــرده = اقفا وجت بعده ليال ٍ سعـيــده

وزاد ألامل وانا تجاوزت حــده = متجاوز الحاضر لامور ٍ بعيده

وخضرٌ روض ٍ به زرعت الموده = وكنت أتوقع له ليال ٍ مـــــديده

لكن ذبل وأنا من النهر امــــــده = واصفـرٌ لونه قبل موعد حصيده

وتكرر الماضي بجزره ومـــــده = ودارت علي غبر الليال العنيــده

وزال الفرح في عالمي حل ضده = اسباب من دور الممــثل يجــيــده

اللي عكسها بعــد الاقبــال صـده = وجرح ٍ وعـد بـدواه صمم يزيــده

يامن يجـــــاوبني ويقنع مـــــرده = يجيــب لي بالعــلم بيت القصــيــده

بعض البشر على الخطا وش يحده = ويش التــلاعب بالمشــاعر يفــيــده