اهل الخبرة افيدوني بمشكلة هالناقه ولكم جزيل الشكر ..؟؟

اغنام - ابل - دواجن - طيور

اسعد الله اوقاتكم بكل خير

اخواني الاعضاء

انا مرت علي حاله قبل ثلاث ايام وحبيت اني استفسر منكم عن هذه المشكله

انا عندي ناقة هديه واحيانا تدر بالمسح

المهم جيت تحتها امسحها ولاحظت وانا امسح على ديوس الناقه ان احد مواخيرها يخرج منه سائل كانه ماء
فالبداية توقعت ان السائل هذا حليب ولكن يوم دققت ولاه ينقط مثل تنقيط المحبس (الكباس-الحنفيه) تنقيط بسيط لكن متواصل

واخذت مسحه باليد من موخر الناقه وذقت هالماده وصراحه احرقت لساني وكانها ماده حااارقة

انا استغربت ورجعت مرة ثانيه وتذوقت الماده ونفس المشكله حارقة بشكل عجيب

احترت معها وش مشكلتها وخفت انه مرض او وجع بالديس

وصراحه قمت وفكيت عليها بنتها وقلت اجرب

وقامت بنتها ترضع منها وصراحه مااخذت بنتها 10 ثواني وهي ترضع الا وهي جافلة من تحت امها وكان احد ضربها

وقامت تحرك راسها يمين ويسار وفوق وتحت وعرفت ان الماده اللي بالديس هي السبب

بس اتمنى منكم تطمنوني وتعلموني وش المشكله وتخبروني وش هالماده اللي كانها يووود حارق

مع العلم ان بنتها ارجعت ارضعت منها ودرت وحلبتها وشربت حليبها وانا الان باتم الصحه ولله الحمد