مقتطـفات شعـريه من تجمـيعي

السلام عليكم ورحمه الله وبركاته
اليوم جايبه لكم مقتطفات شعريه من تجمـيعي
لــشاعر العذب : ماجد بشيت العازمي

نبــدي :

1
درب الردى ما يسلكه غير الرخووم
( واللي يشوف النور يكره ظلامه )
..
ولا الردي من فعله الطيب محروم
والحر يفرق / والنعامه نعامه
..
2
ماهي غريبه لو نزلتي من العين
ياكثرهم الفين واحد طرالي
..
واللي بقى بيت ٍ بقوله لك الحين
حطيه في بالك ترا هو ف بالي
..
( مابيك لحظه في حياتي تمرين )
( يازينها لاصرت عايش لحالي )
..
3
الله كتب لي ياهوى البال فرقاك
طبعي قنوع ودايم ٍ فيه راضي
..
مالي سوى النسيان ياقلب وانساك
وانسى جميع الحب حاضر وماضي
..
كتبت فيك الشعر والشعر لاجاك
اقراه ..لامن صرت رايق وفاضي
..
4
تفارقنا في رمشه عين وتبقا للقلوب اسرار
وتبقا اطيوفك اللي كل ليله ماتفارقني
..
ترا اضحك مع العالم وانا من داخلي منهار
انا توني ٍ صغير لكن ان الهم كبرني
..
رسايلك القديمه مسجله في حافظه تذكار
مع اني ما نسيتك بس مراسيلك تذكرني
..
اكيد احتاجلك مثل الاراضي لحاجه الامطار
تراك معاهد ٍ قلبي .. نسيت انك معاهدني
..
5
في خاطري النسيان وازريت لا انساك
حسبي على شوق ٍ لـ بيتك حداني
..
وهذا السؤال اللي ذبحني ولا جاك
ليه الكريم يطيح ف ايد الاناني ؟

..
6
اسمع كلامي واحفظ العلم لا جاك
ما انساك لو مرت سنين ٍ طويله

..
7
الحمد لله صرت بعيوني صغير
من يوم ما بانت سواتك وبينت
..
اثر المحبه عند شرواك تغيير
لكن بسيطه ف ذمتي ما تندمت

..
8
هذي ثلاث سنين من عشت وياك
ميت ضما وقبال عيني غديرك
..
والحين جيت تقول عزمت فرقاك
وانا بحياتي ما تمنيت غيرك

..
9
ياكثر ماخانوني ناس ٍ رديين
ماوقفت من يوم فيني غدرتي
..
كنتي غلاي اللي سكن داخل العين
واليوم اشوفك من عيوني نزلتي

..
10
مدام انا وياك اكثر من اخوان
خذ هالكلام اللي من القلب كاشي
..
( النوم ماهو شرط لاصرت نعسان )
( كم ليله ٍ لاضقت ازبن فراشي )

..
11
بيت ٍ سمعته واشعر انه ابد غير
من سبته ما نمت والجرح صاحي
..
( ياليتني مخلوق من دون تفكير )
( او ليتني مجنون مانيب صاحي )

..
12

مالي سوى النسيان ياقلب وانساك
وانسى جميع الحب حاضر وماضي
..
كتبت فيك الشعر والشعر لاجاك
اقراه لامن صرت رايق وفاضي
..
13
ياخي حرمت العين من لذه النوم
كل يوم اسهر فيك ليلي (مواصل(
..
من ضحكتي محروم والحزن مرسوم
مرسوم بأعلى الوجه بكلمه ( نواصل )
..
مدري الحكايه بين ظالم ومظلوم
ولا ظروف الوقت هذا اللي حاصل .؟

..
14
قصايدي لاشفتها بين اياديك
ماهو لـزوم اشوفها بالجرايد
..
15
عشت الهوى واثر الهوى كله خداع
لا وحسافه كل ليل ٍ سهرته
..
شفت الهوى مابين شاري وبياع
واكبر دليل ان نور عيني خسرته

..
16
( تدري وش اللي داخل القلب يقهرك )
(اللي يحلف انه يصون ويخونك )
..
لكن وعد ما اسهر الليل ادورك
واقدر اعيش العمر كله بدونك

..
17
تعال واسمع بأذنك اخر بيوتي
كتبتها من صدر ضايق ومكبوت
..
لاصار ما يوصلك هالحين صوتي
بتشوفني في وسط قبري بتابوت

..
18
مابي دواك الله كريم ٍ يداوي
ابتجه لك واترك الناس للناس
..
تعبت من جرحك وجاك اعترافي
انا تعبت اضيق والضيق وسواس
..
19
جيتك ابسئل جعل ربي يخليك
ليه اجمل اللحظات دايم تفوتك ؟
..
ادري نسيتي لكن شـ ذنب مغليك
ردي تراه اللي ذبحني سكوتك
..
نمتي ولا كلمتي اللي يحاتيك
وشلون انام الليل من غير صوتك
..
20
حالي معك ماعاد له اي تفسير
معاك واصل للجنون وغلاتك
..
نوم العوافي وانت تصبح على خير
والخير جعله ما يفارق حياتك
..
21
الله يستر وش ورا ضضيقة البال
دامي اضيق بكل ساعه وحزه
..
ماهي غريبه كلمه الحق تنقال
لكن غريبه صدمه اللي اعزه
..
22
مدام ماعندك احاسيس وشعور
بكنسل اللي صار بينك وبيني
..
وان قلت اني فيك هايم ومجبور
بقعد واقول ( اللي يبيني يجيني (
..
23
يجيبك الله تطلب القرب ورضاي
واقضبك درب ٍ مشى فيه غيرك

..
24
القلب ما ينساك والروح تفديك
القلب لو ينساك كل ٍ يلومه
..
مالي سوى قربك وقلبك وطاريك
مثل بدوي ٍ ماله الا سلومه
..
25
خلاص عن قربك انا معزم اتوب
وانتي بعد عن قربي اليوم توبي
..
تأخذني بيدينك من ذنوب لـ ذنوب
وساعات ما يتحمل الجسم ثوبي
..
26
اي والله اعاتب ومليت الاعذار
فكر على مهلك وحاسب ضميرك
..
اما تجيني صافي ٍ منت غدار
ولا بشوف احد ٍ من الناس غيرك
..
27
ياغايبه لاتسأليني عن الحال
اضيق لامن صرت مانيب حولك
..
واليا نشدتي عن سبب ضيقةة البال
شاعرك له سنتين ماشاف زولك
..
28
الله بلاني بحب قلوب غداره
احباب ليله .. وطول الوقت ناسيني
..
الا على طاري الاحباب شخباره
حبيبك اللي على شانه مجافيني
..
رح واترك البير كاتم باقي اسراره
اسرار مادارت الا ( بينك وبيني (
..
29
العام قلتي صاحبي كله عيوب
وكلنا نوينا البعد كلنا اتفقنا
..
واليوم جيتي فيك مليون عذروب
( استوعبي يابنت حنا اتفرقنا )
..
30
مابيك يعني شد حيلك بخليك
واترك خدودك بالمدامع تغارق
..
تدري متى بطلب مواصلك وارجيك
لما تغيب الشمس صوب المشارق ؟
..
31
مابي ( لقب شاعر )ويكفيني الرد
الرد بعض احيان يكفي لـ حاله
..
(شاعرك لو يكتب قصيدة بلا رد )
(يكفي مشاهد عين شخص ٍ طراله)
..
32

ابشرك ، مبروك طحتي من العين
ابشرك،، والقلب منتي غرامه
..
حاولت ارزك لكن انتي تحبين:
درب الردى// مافيك ذره كرامه
..
33
بصبر على الاقدار لو كنت منحوس
كرامتي .. ماتعترف بالمذله
..
ياصاحبي لو تعطي الدنيا دروس
راسي ترا ما ينحني غير لله
..
34
على سواد الليل / والعالم رقود
مع سواد العين / وابيض نحرها
..
اثر البلا ياسعود بعيونه السود
وجفوني السوده / بلاوي سهرها
..
35
ماهي على خبرك جروحي تسليك
كل جرح طاب .. ولا بقى جرح فيني
..
خلاص اسمحلي حبيبي بخليك
خل تنفعك اللي ( يبيني يجيني (
..


اتمنـى ان تنـال على أعجـابكم
مزيـونه العرب .