بخصوص المدرب الداهية البلجيكي ( قريتس )

الحقيقة مايهم وش يكون الاسم المطروح بقدر مايهم ( CV ) للمدرب وقوة شخصيته ، ويعرف يوظف اللاعبين ( في أغلب المباريات ) ولا مستحيل يوظفهم توظيف صحيح في كل المباريات لأنه لو وظفهم توظيف صحيح في كل المباريات فراح يكون بكل تأكيد يملك خاتم سليمان أو عصا موسى !! وهذا مالا يمكن حدوثه ..
طبعاً وكل هالمواصفات اللي ذكرت تجتمع وبدون شك في قريتس ، ،،
يمكن البعض راح ينتقد قريتس ورحيله .. لكن هناك أمور ربما هي أكبر من اللي حصل هذا كله ، واللي شال كوزمين بإمكانه يشيل قريتيس ، لأجل هذا كله إدارة النادي ارتأت إنه كل شي يتم بالسر والكتمان وتشتيت الأنظار بالنسبة للضيوف الأعزاء مندوبي جريدة الرياضي ، والشي الأخر اللي أحب اقوله إنه الإدارة استوعبت أشياء كثيرة جداً خلال الموسم الماضي والأخطاء المبنية على حسن النية وصفاء السريرة وصدق لهجة اللسان والتي للأسف استغلت من بعض الأطراف في الأندية الأخرى واستطاعت أن ترتقي على أكتاف الهلال !! لأجل هذا كله إدارة الهلال أصبحت بين نارين إما قول الحقيقة ( وبالطبع ستستغل هذه الحقيقة ) كما استغلت في الموسم الماضي ، وإما أن يتعاملوا بالتورية والتقية والتحفظ والكتمان تحت مقولة الخليفة الراشد عمر بن الخطاب رضي الله عنه : ( لست بالخب ولا الخب يخدعني ) وربما هذا الشي لم يعجب البعض الذين لم تسعفهم خبرتهم ولم يدركوا أبعاد الأمور وأغوارها ...
الشي المهم : لو قدر الله وصار المدرب قريتس : أعتقد قريتس من المدربين العالميين ويملك سي في عالي ويملك شخصية قوية جداً وأضم صوتي لصوت الأخ الاستاذ ريفلينهو 10 أنه هذا مايحتاجه الهلال في الوقت الراهن ..
وفيه شي مهم يمكنه غايب عن الجميع : الآن لو تأملنا من هو المدرب عندنا بالسعودية متفوق جداً ـ أعتقد الجميع يتفق معي إنه البلجيكي برودوم مدرب الشباب !! فأعتقد هاذي أيضا لها دورها في معرفة بني جنسيته بتفكيره وتخطيطه وأفكاره وثقافته ومن هالقبيل هذا ، فأعتقد إنها راح تلعب دور كبير لصالح الهلال ... مجرد رأي كذا وردت في بالي !! ممكن تكون صائبة ..
وبما إن الحديث عن قرتيس : تدرون فيه شي ماني فاهمه الى الآن وأعتقد ربما الكثير منكم لاحظ الشي هذا : وهو إنه فيه بعض الأسماء والأعضاء عندنا هنا بالمنتدى كانوا بالأمس يتباكون على قريتس ويتمنونه وكانوا ينعتونه بالداهية وماشابه ذلك من الألقاب إلى فترة ليست بالطويلة ، والآن سبحان الله انقلب حالهم من حال إلى حال بعدما تأكدوا إنه ربما قريتس المدرب القادم ، وتعجبت منهم بصراحة أشد العجب وهم يتكلمون وبكل بساطة يقولون ( قريتس بصراحة مايصلح للهلال ) !!!!! طيب وين كلامكم أول ؟؟ وش تتوقعون اللي مثل هذولا وش راح يكون موقعهم الإعرابي ؟؟؟
ماأدري المسألة عندهم مزاجية مثل مزاجيات جريدة الرياضي ولا إيش السالفة ؟؟؟
لكن أنا شخصيا كل اللي أقدر أقولهم واذكرهم بكلامي الأول ( أحسن الله عزائكم وأجبر الله مصيبتكم )