من باب احب لاخيك ما تحب لنفسك .. تجربتي مع تساقط الشعر
السلام عليكم
حبيباتي
كثيرات من يعانين من مشكله تساقط الشعر او التقصف .. او عدم نمو الشعر بشكل طبيعي
و طبعا جربنا كل شي تقريبا و ممكن النتايج اتكون خفيفه جدا او منعدمة بالمقارنة مع المجهوود
لذلك انا بكتب لكم تجربتي من باب احب لاخيك ما تحب لنفسك
في البداية بسرد لكم الوضع باختصار الحالة عبارة عن :
- كيراتين برازيلي مرتين
- دايموند كيراتين مرتين
الدايموند كيراتين الاخير صبغت شعري و قصيته و بنفس اليوم سويت الكيراتين , ة بعد اسبوع ما عجبتني الصبغه و رديت غيرتها :eh_s(11):
الحمد لله شعري كان كثيف فكان يتحمل كل ها الاجراءات الي كنت ماشية فيها ... و لكن للاسف من ها السنة و جاي كانه مو على خبري ... :eh_s(14): تحملني فترة طويلة من الزمن و قال لي لقد حان وقت الرحيل
فالمشكلة بينت وياي اولا بالتساقط ... شعري قام يطيح بكثرة
و العلاج اني قمت استعمل الفووم و الشغلات اللي تزود الحجم
فزاد التساقط اكثر و اكثر
الى ان حسيت بوجود فراغات خفيفة خصوصا في مقدمة الشعر ...و قررت اتخاذ خطوة جادة في العلاج
و اول شي قمت به
التخلص من الستريت و الاستشوار و كريمات التصفيف
شريت انواع مختلفة من الحبوب و نوعيات كثيرة جربتها و ما حسيت عليها بفايدة
فيفسكال على كثر ما مدحوها لي طلعت لي حبوب بوجهي
هيلث هير متنت عليها و ما سويت لي شي
الكولاجين احس فاد بشرتي بس الشعر نفس ما هو
طبعا خذيت امبولات فيشي و شامبو و شسمه بخاخ ينحط عالشعر بعد ما تسبحين
و استعملتهم و لا استفدت
التساقط نفس ما هو ما تغير
:eh_s(10)::eh_s(10):
طبعا انا من فترة اعاني من فقر و تكسر بالدم بس اعتقد ماله علاقة
فرحت و سويت فحص دم و طلع معاي نقص حديد و فيتامين دال و كالسيوم و مدري شنو بعد ,, مع ان اكلي صحي بس هذا اللي طلع وياهم :eh_s(22):
رحلة العلاج :
اولا اي منتج للشعر لابد من استعماله عالاقل لفترة 6 اشهر بشكل متواصل مو شهر شهرين و اتقولين ما فاد
لان هذا اللي كان يصير وياي اخذ العلاج شهر و اقول ما استفدت
ثانيا :
مدحوا لي حبوب اسمهم PRIORIN
[IMG]http://im29.********************************************/2012-06-09/1339266918471.jpg[/IMG]
الجرعة : 3 حبات يوميا
حبوب الزنك
[IMG]http://im29.********************************************/2012-06-09/1339266918464.jpg[/IMG]
الجرعة : حبة واحدة يوميا
حبوب فيتامين دال alfacalcidol
[IMG]http://im12.********************************************/2012-06-09/1339267368982.jpg[/IMG]
الجرعة : حبة واحدة
و سويت نقيع اعشاب لتقوية فروة الراس
يتكون من :
عشبة الاس
[IMG]http://im29.********************************************/2012-06-09/1339266918407.jpg[/IMG]
الزعتر
[IMG]http://im29.********************************************/2012-06-09/1339266918115.jpg[/IMG]
قشر الرمان مجفف
[IMG]http://im29.********************************************/2012-06-09/133926691873.jpg[/IMG]
اكليل الجبل
[IMG]http://im12.********************************************/2012-06-09/1339267368181.jpg[/IMG]
الاعشاب تاخذين تقريبا بيالة من كل نوع و تحطينهم بجدر كبير الافضل انه يكون تيفال او استيل و تغلى بالماء حوالي لتر و نص ماي بعدين اتغطينها و خليها تنقع ليلة كامله ثم تصفى و تحفظ في غرشة بالثلاجة
انا صبيت لي شوي ببخاخ و كل يوم ابخ على فروة الراس و اسوي لها تدليك خفيف و البخاخ طبعا اخلي فيه كمية اللي تكفي 3 ايام او 4
الشامبو :
استعمل سيباميد بدون بلسم او اي شي
مع اضافه عصير نصف ليمونه لماء التشطيف النهائي
بعد 4 اشهر من الالتزام الحمد لله :yaaaaaarb: توقف التساقط بشكل ملحوووظ و نبت لي شعر بمقدمة الراس بشكل مبين و لله الحمد
للاشارة احب احط حنه بس ما التزم مرة كل اسبوعين و اذا جيت اخلطها احط عليها من نفس الماي اللي غليت فيه الاعشاب و احط صفار بيضة و شوي زيت زعتر او زيت زيتون
و الحمد لله احس شعري بدا يرد
و قلت افيدكم
و اي استفسارات انا حاضرة
بس ابي منكم دعوة بظهر الغيب لاختي ان الله يشفيها و يفرج عنها و يردها لعيالها سالمة غانمة ان شاء الله :yaaaaaarb:
