يا عشآق الهلال ..رفقاً بمعشوقكم ..

s52s




بسم الله الرحمن الرحيم وبه نستعين ,

حياكم الله أخوآني وأخوآتي الزعماء ..

تواضعي في كتابة المقدمات يجبرني أبدأ مباشرة بالموضوع :yes:

يا حبايب الزعيم , اللي يحصل زايد عن حده وبكثير ..
عن نفسي , كنت ولا زلت أفاخر برقي الشبكة ومحتواها قدام كل أصحابي من جماهير الاندية المنافسة :bs:
لكن :hammer:

الوضع أشوف أنه مهيأ يتغير وبدرجة كبيرة للاسوأ وبكل أسف ..

جمهور الزعيم :rose:

ليش في السنوات الاخيرة الإعلام صار يؤثر سلباً في مسيرة الكيان وأفراده وكل من يمت له بصلة بسهولة ومن مجرد خبر واحد !
علاقة الهلال بالاعلام ليست حديثة ..الهلال يمثل ركن من أركان الصحافة الرياضية ومن فترة ليست بالقصيرة..لكن اللي أقصده أن الضغوط اللي يواجها الكيان هالوقت من الممكن نقول إنها الاقوى في مسيرة الهلال منذ زمن ...
الشواهد على تأثير الاعلام تجاه الزعيم في آخر السنوات كثيرة .. و الامثلة لا حصر لها ..
و بما أني أتكلم في سيرة الإعلام وتأثيره على الزعيم ..ما يخفى على أحد منكم أن الشبكة اللي تكتبون فيها الآن هي من أقوى الادوات الاعلامية تأثيراً على الكيان في المقام الاول ..

جمهور الزعيم :rose:

الضغوطات اللي تواجهها الادارة من جمهور الهلال نفسه هي الاصعب والاقوى تأثيراً على النادي ...
لذلك حبيت اتكلم بوجهة نظري عن المواضبع الدارجة هالايام في الشأن الهلالي ..

* الفريدي :cg:

اللاعب يا جماعة الخير لا زال في طور المفاوضات مع النادي ..
أما من ناحية الادارة فهي حريصة أنها تحافظ على موهبة خدمت النادي وتأمل أنها تجدد معه حتى يفيد النادي لوقت أطول..
اللحين المشكلة وين ! s30s
المشكلة طول الله أعماركم في الجمهور اللي من ورى الشاشة ..وتآخذ وتعطي في الموضوع ..ناس تشكك في ولاء اللاعب ..وناس ما قصروا وتحملوا ذنوبه من كثر ما حكوا فيه ..وغيرهم يقولون أنه يماطل ويستفز هيبة الكيان ..
من وجهة نظري الشخصية .. والله يا إخوان لا أنتوا عايشين مع اللاعب يومياً في التمارين ..ولا تدرون وش ظروفه ..ولا تدرون ايش اللي يحصل بالضبط أصلاً ...أنا معكم في أن اللاعب حيرنا كهلاليين بتردده وتباين ردود فعله تجاه التجديد .. لكن مسألة التجديد من عدمه بيد اللاعب والادارة ..أنتم كجمهور عليكم أن تبدون آرآئكم في عطاء اللاعب في الفترة الماضية وإذا كان راح يفيد الفريق او لا بناءً على معطيات فنية وليس آراء شخصية محضة ..وترى من ملاحظتي للي يصير في موضوع الفريدي أن إعلام الاندية المنافسة مستغل هالموضوع بكل طاقته و يضغط على الادارة عن طريقه بمباركة منكم يا حلوين :confusedw:

** المدرب :em:

الإدارة تبذل جهدها في التوقيع مع مدرب له اسمه وتاريخه ..وهي على الاغلب انتهت من الموضوع بنجاح .. لكن أنا بصراحة أستغرب من ردود فعل أغلبية الجماهير الغاضبة تجاه هالتأخير في إعلان التوقيع ...يا حبايب الادارة تعمل على جلب مدرب ومش أي مدرب ..فيعني ما راح يجي هالمدرب الكبير في يوم وليلة ... وبعدين بصراحة يعني ايش راح تفرق معك كمشجع اذا عرفت اسم المدرب بسرعة :s2: , اسألكم بالله تخيلوا أنكم مكان الامير الرئيس ..وهو يواجه هالضغوط من كل جهة .. والاسوأ إنها تأتي من جمهور المفروض يكون خط الدفاع الاول للكيان :mo:
إذا ما وقفتوا مع الادارة من يوقف معها !
في النهاية هي اللي متولية أمر النادي كله ..وأي خلل فيها يعني خلل في النادي كله ..
صراحة ما أقول الا الله يعينهم ويسدد خطاهم .. وإن جات على رأيي بالموضوع , فأنا واثق تمام الثقة أن الادارة اللي صنعت الفريق اللي شهد بقوته وهيبته العدو قبل الصديق أنها ما راح تدخر جهد في إعادة بناء ذلك الفريق وبشكل أفضل ..

*** الاجانب :sleep:

هالموضوع ساخن لدرجة من المفترض راح يأكل الجو بعد إعلان توقيع المدرب ...وأنا عماه عيني المواضيع اللي تخص الاجانب لدرجة أحس أن نص المنتدى سماسرة :d
بصراحة أنا أتوقع وبشكل كبير أن السبب وراء تأخير إعلان اسم المدرب له علاقة باختيار الاجانب بعد :naughty:
فحتى تتفادى الادارة ضغوط اللاعبين الاجانب ..أخرت إعلان اسم المدرب ما دام انه وقع بالفعل والله أعلم

قبل أن أختم ..

- بالتوفيق لسفير المملكة سامي الجابر ..ويا ليت أما ندعم سامي كوجة للكرة السعودية ..أو نصمت ونهتم بهلالنا بعيداً عن كومة المواضيع اللي 100% راح تتبع إلتحاقه بالنادي الفرنسي ..وأنه حارب اللاعبين و ..و ..:s5s:


- مجرد أمنية..
أن لا تتكرر قصة الكاميروني إيمانا والموضوع المليوني :av: والضغط المهول اللي حملتوه الادارة وبالنهاية ما كمل 6 أشهر وعجزت الادارة تصرفه !

- جمهور الزعيم:rose:
والله أن فيه ناس همها إسقاط الزعيم ..وكلكم أدرى بالشواهد اللي مضت ولا أتوقع راح تتوقف ...قفوا مع الكيانs13s .. انسوا الاسماء مهما كانت ...امنحوا الادارة كامل الثقة :ba:... اوقفوا المواضبع اللي ماتزيد المنتدى الا احتقان ولا تفيد الادارة بشيء ...

جمهور الزعيم :rose:
كونوا كما عهدتكم ..وكما عهدت المنتدى ..راقين في حواراتكم ...منطقيين في تعاملكم مع الاحداث.. قدموا مصلحة الكيان على مصلحة أي اسم كان ...وتأملوا حديث الرسول صلى الله عليه وسلم { من كان يؤمن بالله واليوم الآخر فليقل خيرا أو ليصمت }

والله من وراء القصد :)

استودعتكم الله :rose::ba: