طلبتـــــك قبــل ماترحــل :تذكــر وش عهـــدنا ( كـان )

اغنام - ابل - دواجن - طيور

طلبتك قبل ماترحل :تذكر وش عهدنا ( كـان )
تذكّـر نظرتـي لمّـا طلبـتـك ماتخليـنـي !


قسم وضعي بدونك صعب ما يتحمل الهجـران


أنا محتاجك ( تكفـى ) وهالتكفـى تبكينـي !



ترى صعبه على مثلي : جفاك واصعب الحقران !!


اذا انـك نـاوي الفرقـا تعـال ولا تعدّيـنـي






عمر قلبي أبد ماهزته جفـوه مـن أي انسـان


لأني من عرفت الناس وكـل النـاس باغينـي






أنا مالي على رسم القدر حيله ولا عصيان


تركته جيتك ابي منّك : تراعيني !!!






طلبتك ارحم : عزيزٍ طاح في قاع النوى له شان


كما قالوا : عزيز القوم يُرحم يانظر عيني






كسر ظهر الغلا طاري البعاد ولجّه الحرمان


على ريــح الجواب اللي يموتني ويحييني








(لـكـــــن !! )



مدام الصمت في مسرح عيونك يشرح الخذلان


أجل بطلب ومن حقي قبل فرقاك تعطيني !






قبل ما تبتعد سمم عروقـي واخنـق الشريـان


ما أبي تشم الغلا مـن عقبـك شرايينـي