مجبوس دجاج بالنعناع

اشلونكم يالغاليات ان شاء الله بخير اليوم جايبتلكم مجبوس دجاجي بالنعناع حده حلووووو بشهادة الي كلوه
اول شي نجيب الدجاج ونغسله عدل ونحطه علي جمب نجيب جدر ونحط فيه كميه دهن عدله ونضيف البصل مع عودين دارسين وخمس حبات مسمار وحبتين لومي البني احسن من الاسود ونحمسهم عدل بعدين نحط الدجاج وكميه مدقوقه من الثوم ونحمس عدل بعدين نحط ست حبات ورق غار طازه تخلي الحمسه عجيبه وبعدين بهاراتج مع الكركم والكمون والفلف الاحمر اشوي وقفشت هيل كبيره هيل مطحون ونحمس بعدين نجي للمكون الخطير نحط قفشه كبيره نعناع ناشف مع الحمسه ونحرك بعدين نضيف الماي والملح بعد ساعه اطلع الدجاج واشخل ماي الدجاج من الاعواد واكت العيش عليه
بعد ما ينشف الماي احط الحشو عليه
الحشو عباره عن حمص مقطع افوحه في ماي لما يستوي واشخله
في مقلا احط البصل واحركه ليما يتشقر احط اشوية دهن واحمس واحط الحمص واحط كزبرة وشبنت طازجين مقطعين صغار واحمس واضيف هيل ولومي اسود ودارسين مطحون وملح وهذا الحشو
الدجاج اقليه عدل وبس هذا المجبوس بالعافيه
هذي صورته
http://i.imgur.com/dmuKk.jpg