شف ماترى ياقلب واكنم سدودك

شف ماترى ياقلب واكتم سدودك

عن واحدن يكتم سدودك ويشناك

خلك على الدنيا تعيش بسعودك

مالك غرض في عرف هذا وهذاك

على الخطايا لاتقوي جهودك

العقل زين وسامح اللي تحداك

ترى التسرع بالخطا مايرودك

الا بفعل يخلفك عن نواياك

لا لا تخلي الشيطان دايم يقودك

ان طعت راي ابليس ل شين وداك

خلك من الدنيا نظيف جدودك

محدن لسانه في غيابك تقفاك

وليا مشيت الحق واجد شهودك

وليا هرجت الحق كلن توحاك

لابد من يوم تقضي حدودك

لاتخلفك دنياك والموعد هناك

خلك ليا قضيت تذكر عهودك

لابد ماترحل وتقفي مطاياك

خل الذي ينصى محلك يرودك

اليا شكى غيرك تذكر سجاياك

خل الفهامه والعداله تسودك

وليا حكمت الحق لاتظلم اعداك

بعض المصالح للمعاصي تقودك

وبعض المصالح يشهدن في خطاياك