ياللي تبي صورتي (خذني معك كلّي)
ما دمت تشفق على الصوره وراعيها
قلبي على شوفتك يـا خلـي مولّـي
اسهـر عيونـي ويمكنّـه يبكّيـهـا
يرسلـك اشواقـه وتدعيـه وتهلّـي
لكنّ لا جا علـى المعيـاد تعميهـا
ترسله اعـذارك وتجفيـه وتولّـي
يهدّ كـل الحواجـز وانـت تبنيهـا
شليّت روح الوفا في صدتـك شلّـي
وشكّكت بعض المبادي في معانيهـا
بس انت قلّي وش اسباب الجفا قلّـي
ارسل مناديبهـا وافضـح دواعيهـا
لعلّـك ترتـب اوراقـك ولعـلّـي
ولعلّنـا نقلـب الصفحـه ونطويهـا
الا على طاري الشرهات يـا خلّـي
تذكر هاكالليله الي جيـت ساريهـا
يومي احاكيك وتسل النفـس سلّـي
وافتح لك ابواب قلبي وانت تجفيهـا
ما هو لهذي لكن اقفيت فـي ظلّـي
سرى معك يتبعك يوم انت تعميهـا
تلّيت قلبي وهو مـع قلبـي انتلّـي
شوف الوفا كيف ياخذهـا ويعطيهـا
يمكن لو تقول صل شمالك يصلّـي
استغـفـر الله يمكـنّـه يسوّيـهـا
حلوة وجميلة
لكن البيت الاخير اعتقد انه مجازي