<div>
حزينه حيل يا يمه .. حزينه
حزينه دمعتي في وسط خدي
وانا معروفه بعقلي رزينه
رزينه .. لكن الاقدار ضدي
هذاك اللي انا افدي سنينه
أبعرف في خياله ما اعدي ؟
ابعرف ليه تهجرني سنينه ؟
يغيب وكل ما جيته يصدي !
هداني طعنه بـ صدري أليمه
وسط قلبي وانا اهديه وردي
اقول ارجوك قلبي لا تهينه ..
ويضحك ما درى الموضوع جدي
وانا قلبي ينازف من أنينه ..
وهو لاهي ولا يدري بـ ودّي
يبعثرني ويتركني سجينه ..
ويهجرني الين اشتاق حدي
ويجفاني .. وانا دايم اعينه
ويطلبني ولا يحتاج ردي !
ويجرحني وانا انطر حنينه
يفآجئني بـ أسلوبه واعدي
يا يمه هالحياه اليوم شينه
حياه الطيب فيها ما يودي !
انا مدري خطاي اني حليمه
او اني ما لقيت اللي بـ قدي
عسى ايامه توديه لضنينه
مدامه ما طلب للحين يدي
حزينه حيل يا يمه .. حزينه
حزينه دمعتي في وسط خدي
وانا معروفه يا يمه رزينه
رزينه .. لكن الاقدآر ضدي
.
.
.
تقيمكم للقصيده بشكل عـآم . .
و
آحلـى بيت عجبك . .
دمتم بود . .
خيتكم \\ هـآجــر :v
