الطيب فرصه

[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]

الطيب فرصه والجمايل توافيق
ومن لا توفق ماكتب له جماله
ومن لارقى للطيب روس الشواهيق
مازان له وقته على ما بداله
وما دام لفعول الجمايل عشاشيق
كسب الجمايل ما يجي بالسهاله
ولوأنّها تشرب مع فكّة الريق
كل خذا له كل ما أصبح بياله
والطيب منوه للقلوب المشافيق
كل ٍ يتوق ومنوته رأس ماله
والمدح مايزهى على الرجل ويليق
الاّ لا صارت وافيات ٍ خصاله
يستاهله رجلٍ يفك المزانيق
اللي يقال ونعم لا جا مجاله
ومن ساقته نفسه وهو مابعد سيق
لأجل الجميل يزيّن الله فاله
والمرجله ماهي بتحتاج تنسيق
من بين قلب اللي عشقها وباله
ومن عادةالدنيا تخون المواثيق
تفترّ مكرتها سواة المحاله
ولولا اللوازم ماعرفنا المخاليق
مانعرف الرجال لين انعناله
والكفؤ تظهر فزعته حزة الضيق
وينشاف في الشدة بعين العداله
نسل الرجال متعّبين الملاحيق
متوسط من بين عمه وخاله
واللي يطيق ولابغى قال ماأطيق
تحرم عليه المرجله والشكاله
والهيّنه تكبرعلى اللاش والهيق
له في الرخاء قاله وفي الضيق قاله
والطيب شاره والضماير صناديق
واللاش طيبه ما تعدى ظلاله
وانا اسبر قلوب الرجال المغاليق
والصامت اقطع غايته من مقاله
ومادام في الدنيا رجال ومطاليق
نصيتهم واللاش مالي وماله






وسلامتكم
القصيده وصلتني بالبريد واحببت ان تقرؤها لروعتها واتمنى اذا احد يعرف من قائلها ان لا يبخل علينا بذكر اسمه[/poem]

[align=center]اشكرك اخي
** نمر **
على هذا النقل الجميل ونتوق الى جديدك


بدر سهران[/align]

,
,
,
عزيزي نمر


قصيدة عذبة للغااااية


والطيب شاره والضماير صناديق
واللاش طيبه ما تعدى ظلاله
وانا اسبر قلوب الرجال المغاليق
والصامت اقطع غايته من مقاله
ومادام في الدنيا رجال ومطاليق
نصيتهم واللاش مالي ومال


اختيااار رااائع ياعزيزي

الأخ عبدالرمن القرني

الأخت امل عبدالعزيز

شكرا على مروركم العذب