يالله لك الحمد من قبل ومن بعد

مرررحبا حبيباتي شلونكم
طبعاً اول شي الحمدلله الله رزقني بفهوود حبيبي
بقواكم قصة ولادتي طبعاً فلللللم :eh_s(8):
انا بجرية وعوشرت
المهم كان يوم الاربعا 5/16 نجهز بيتها الي اهو بيت اهلي لان الخميس كانت رجعة امي من العلاج
وخالتي تقولي انتي عوشرتي لاتولدين سكري ريولج على رجعة امج لا تولدين هههههههعه
المهم صار الخميس الصبح واحس بعوار خفيف بظهري وانطر لي الظهر وهم عوار
وحظرتي بروح الصالون بعد خخخخخخخ بكشخ حق رجعة امي ههههه
عاد قلت لزوجي بروح الطبيب واروح للصباح الله لايوفقهم وينقعوني والله ساعتين
الدكتور حظرته مو موجود المهم والعوار يزيد ولا زوجي يقولي يبه خنروح الامومة لان انا حاجزه عندهم
واروح الامومة عاد اهني حاشني عوار صج بس مو الي يموووت لاا نتحمله بس عوار
وادخل ع الدكتورة ناهدة والله يابناتتت انها عسل عسل عسل تهبل وافحصتني
ولا تقول مفتوحة 4 سانتي انا قمت ابجي من قالت لي ولا تقول ولادة عاد قلت لها مابي ادخل الحين
قالت اوكي لانج بجر راح يفتح كل سانتي بعد ساعه المهم كانت الساعه 3 العصر ومحد من اهلي يدري مسكره فوني
ورحت بيتي واشرب دارسين وصارت الساعه 7 واروح الطبيب وادخل الولادة
والله ويحطون لي الكماااام وانا اغيييييب هههههههعهه والله ما حسيت بشي كمامهم عجييييييب
عاد امي حبيبتي وصلت الديرة الساعه 12 ونص بليل وانا ولدت الساعه 12،45 عاد زوجي دق على اهلي وقالهم اني ولدت
والله يابناااات اقصد البجريات الي خايفييين والله الولاادة سهالات باذن الله
والله لما ولدت واسمع صوت البيبي احساس رووعه
وبسس حبيباااتي
وسوري طوولت عليكم فديتكم :eh_s(17):