محاورة شعرية ( الهلال - آسيا )

[ الـهـلال ]

يا آسيا وش علومك وش اخبارك وكيف الحال ؟
عسى حالك ابد .. ماهي مثل حالي .. ونكباتي !!

انا ماني مثل اول .. زعيم القرن .. والابطال
لو انك انتي / زعيمه / على باقي .. بطولاتي !!


[ آســيـا ]


هلا بـ العاشق المرهف هلا بـ الفارس الخيال
هلا يا سّيد الملعب ،، هلا يا سيييد .. ساداتي !!

من اللي قال ما انتا مثل اول منهو اللي قـال ؟
يكفي اسمك المرعب على عرشي ومساحاتي !


[ الـهـلال ]

يا آسيا ستت بطولات(ن) بأسمي وأنا هــلال !!
وتاريخي .. هو اللي ايقض اوجاعي وآهاتي !!

بـ فن المعجزه يوسف .. و سامي قاهر العذال
وابن تمياط .. ودعيع .. حصدنا كل / ما فاتي !!


[ آســيـا ]

يا ناد القرن لا تيأس ! , ترى باقي وراك رجال
وانا ما ارضى بغيرك .. يا بعد قلبي ونبضاتي !!

تعال نجدد الماضي .. على جهد العشق تعال !!
تعال .. بمستواك اللي ما هو على طموحاااتي !!


[ الـهـلال ]

انا ما اجي على ارض(ن) بلا ما اسبب الزلزال
واجر شعوب تهتف لي .. واحقق كل رغباتي !!

لكنّ الوضع ما يسمح ، وادري ان الوعد قد طال
واكيد انك .. تعرفين البلا .. واسباب .. غيباتي !!


[ آســيـا ]

ثمان سنين يا ظالم على هـ الحال والمنوال !!
خذوني للآسف منك ، احاتي وانت ما اتحاتي !

ابي توعدني الليله بأنك تخرس .. الجهال
وتنسى ما حصل من بيننا .. في كل الاوقاتي


[ الـهـلال ]

تبين الصدق مو بيدي وعشقك فالحشا لازال !!
لكني عاجز(ن) حتى .. على استرجاع .. هّداتي

اذا ما جابك ذراعي فأنا خاين .. وانا محتال
بشرط .. انك .. تعذريني بـ هالموسم مع الآتي !!!


[ آســيـا ]

اذاٍ .. يا هلال لا تبطي علينا دامك .. بـ تختال
وانا بـ وعدك دام الوعد قائم قبل ما باتي !!

بأني مثل عشاقك احبك حب ما ينطااااال
إلى يوم الوعد .. والا .. تراني ضمن الامواتي .


للكبير عبدالله الخاتم

مع تحيات اخوكم:عيسى سوادي:alzaeem:

http://twitter.com/#!/EYSA_SWADI