ادعولي أكون حامل ..... شوفو شصار فيني الشهر الي طاف ؟؟؟

السلام عليكم ورحمة الله وبركاته*
شلونكم خواتي ؟؟
بخاطري الحمال ابي اخو حق بنيتي .... ريوم
الدوره الحمد لله منتظمه نوعا ما*
يعني تطوف يومين بالكثير
آخر دوره كانت بتاريخ 16 / 5*
وألي قبلها 14 / 4
المهم الشهر الي طاف يالي مغص شديد ما قدرت اقوم ولا اتحرك*
ثاني يوم رحت المستشفى السلام*
سويت سونار قالت عندج كيس على المبايض وانفجر وبطنج وحوضج مليانين ماي ودم*
وعطتني مضادات قويه وقالت اراجعها والحمد لله بعد فتره من المضادات*
ونزلت الدوره 16 / 5
بعد ما خلصت الدوره سويت سونار داخلي قالت ما شاء الله كل شي راح ورحمج نظيف وكل شي ممتاز
وعطتني موعد سونار يوم 12 من الدوره عشان تشوف التبويض ورحت جان تقول عندج بويضه حجمها 11 يعني صغيره بس ممكن تبويضج متأخر وقالت تعالي يوم 14 بس آنا طنشت*
المهم صار جماع باليوم 6 و10*
و16 و 19 و 20 من الدوره *
سؤالي ممكن يصير حمل بهذي الأيام وممكن ان ما صار حمل الفتره ألي طافت بسبب هالكيس وان شاء الله الشهر هذا يصير حمل عقب ما راح ؟؟؟
بنات ادعولي أكون حامل*
لاني هالفتره كله عندي هبوط*
امس رديت من السفر ومن نزلت الطياره صار عندي هبوط*
وآنا بحمالي ببنتي كان كله هبوط*
بس مو قبل موعد الدوره*
يارب اطلع حامل بولد وكل من تتمنى الحمال ........