(((((0مطلقه تستجدي زوجها ان يعود اليها))))))

اغنام - ابل - دواجن - طيور

أحبتي اعضاء المنتدي
بعد التحية وعذب الأحترام

هذه قصيدة اعجبتني من فتاه تستنجد بزوجها لكي يعود إليها بعد فراق بينهم وهي تبكي بحرقة عليه
اتمنا ان تعجبكم وأليكم القصيدة

7
7
7
7
7
7
7
7
7خلاص وماتت البسمه وحارت خطوة الاقدام ولالي غير ذكراكم أسولف في طواريها

علامك ناوين ترحل وتتركني مع الاوهام ترى بعدك علي اكبر من الدنيا وما فيها

تودعني وانا ضايق ودمعي بلل الأكمام عسى ليلة وداعك ما يعيد الوقت ماضيها

نسيت الوصل والطيبه نسيت الحلم والأحلام نسيت اللي على شانك ولو يصعب أسويها

نسيت عيون تسهر لك وعينك تتركه وتنام نسيت الشعر وحروفن على شانك قوافيها

نسيت الشوق واللهفه اذا شفتك بعد أيام أعاتب ليلة وحده تروح ولا تجي فيها

نسيت احلامنا كله ونحلم وش يجي قدام نقول الحلم يتحقق ولو طالت لياليها

ترى لو طول غيابك أحس بساعته اعوام أحس البعد ما يرحم واقوم احسب ثوانيها

نسيت أطفال من عقبك غدو في زحمة الأيتام أمانه من عقب صدر (الابو)منهو يدفيها

نسيت شلون بيدينك تعلم مسكة المرسام كتب اسمك على كفه وبلسانه يهجيها

أشوفك ما تبي تحكي أو ان البال منك هام تكلم قول أي كلمه عسى ناري تطفيها

وذاب البوح من بعدك وماتت نشوة الأقلام (وعقبك يا بعد حالي) حياتي من يسليها

فديتك لا تعاتبني اذا من عقبكم منظام ترى نار الغلا تحرق وتكوي رجل واطيها

أشوف فراقك بعيني مع اسراب الليالي حام عشان الروح لا ترحل عسى ترجع وتحييها

مدام انك خذيت اغلى شعوري واصدق الالهام تعال وخذ معك روحي ترى لاغبت ما ابيها



قيلت القصيده على لسان فتاة ذاقت مر الطلاق بسبب تافه وهي ترسل رسالة لزوجها تستجديه أن يعود إليها


ختاما : آسف على الإطاله متمنيا ان تكون مشاركتي اعجبتكم وادعو معي ان يوفق الله بين هاذين الزوجين ويرجعون إلى بعض منتظر مروركم ورأيكم في القصيدة

ودمتم في رعاية الله وحفظة

اخوكم

اسد تهامه