" .. ســاعـدوني : بـ الارتقــااء ، بـ منتدانـاا العـزيــز .. "

<div>

السلام عليـكم ورحمة الله وبركاته ..

اخباركم يـ إتـاويـه .. ان شاء الله انكم بـ اتم الصحـه والعـافيه ..

مالي بـ المقدمات بـ اخش بـ الموضوع ، سـريع سـريع ..

من خلال تصفـحي في منتدانا العزيـز .. واخذ روتيني اليومي فيـه كـ العاده .. !!

لاحظـت عـدة امــور في منتدانا العـزيـز ، ضايقتـني كثـيرر بـ صراحــه وراح اتطرق لها ..

راح افصلها لكم وحـده وحـده ، #



[ التـاليـف - الردود العشوائيـه - التشكيك بـ الاداره - انزال المواضيع التي بدون هدف ]


نبـداا




1 - ( التــاليــــــــــــف )

طبعـاا يـ كثر ماشـوف هـ المواضيع بـ التاليف بـ الصفقات ، وبدون اي مصدر ..

يعني بصراحه صرت ماصدق اي صفقه تصير لين ماشوفه بـ شعار العميـد ..

لو تاخذ جوله سريعـه على المواضيـع ، بـ تشوف اقل شي 20 لاعب موقع معه العميد !!

شيء يقهر وربي .. تحس ان فيه مهزله صـايره ب الشبكه ، وعدم مصداقيــه ب المواضيع

والحل :: عدم انزال اي مواضيع انهاء صفقه ، الا بـ مصدر قوي ونرتاح من القروشه الزايده




2 - ( الردود العشوائيــه )

هههههههههه .. وهذي ياكثر ماشوفها هنـاا في منتدانا العزيز .. يعني شي مفرح اننا نشوف

اقلام مميزه في منتدانا يتعب وجهود عاليـه بـ انزال المواضيع ، ويجي اخر شي واحد يقول لك

مشكور !! يعطيك العافيه !! ومن هـ الكلام .. يعني هذي الردود السطحيه مالها اي معنى ..

الحل :: كتابه رد عن الموضوع بـ تعليق عنه ، او اثناء بـ الشكر بدون ردود سطحيه !! اذا

كان الموضوع بـ مجهود احد الاعضاء ومتعوب عليـه يعني .. "




3- ( التشكيــك بـ الاداره )

ومثل ماشـفت كـ العاده في جولتي ب منتدانا العزيز يوميـاا مواضيع تشكك بـ وعود عيد الجهني

وقصة 100 مليون والتكفل بـ 3 اجانب .. يعني الرجال يطبخ على نار هاديه وجالس يسوي كل شي لـ ارضاء جمهور العميـد ، ولـ مصلحة العميد ، والجمهور الاتحادي مايرحم !!

طيب لا بدا الدوري وماشفت احد من هـ الاجانب الي وعد فيهم عيـد الجهني ، ذيك الساعه
لك الحـق بـ فعل ماتشاء ..

الحل :: عدم الاستعجال بـ الحكم على الاداره او اعضاء الشـرف ، وهم في بداية الطريق !!



4- ( نزال المواضيع التي بدون هـدف )

وهذي مثلا يجيك احد الاعضاء الله يهديه وبدون ذكر اسماء ، ويقول وش رايكم في الاعب الفلاني وياليت يجيبونه الاتحـاد وبـ الاخير الاعب يطلع موقع مع ناديه موسمين او ثلاثه !!

ومايفكرر ان يشوف هل هـ الاعب يخدم العميد بـ مستواه أو انه جدد مع ناديـه او لاا !!

الحـل :: تركدو الله يجزاكم خير .. وقبل لا تنزل اي لاعب براسك ، خذ لك كم معلومه على الطاير .. هل جدد او لا ، احصائيات على الاقل عنـه !!



ووصلنا لـ النهاية .. لاكن الي ابي اوصل له ان نرتقي بـ مواضيعنــاا بـ الشبكه !! وماتكون اي كلام .. وان شاء الله ماحد يزعل من كلامي وماقلت كذا الا من حبـي لكم ولـ منتدانا الغالي
عشان محد يجلس يقول انت مندس وكذا بصراحه لا شفت منتديات غيرناا .. اشوف مواضيع لها هـدف واغلبهاا ، لها فايـده يعني ، الا منتدانا وهذا الي خلاني اكتب موضوع ..

وان شاء الله الجميع يستفيد من الموضوع .. ونرتقي يدا بـ يد بـ الارتقاء بـ منتدانا عاليـااَ ..

اراكم فـي حفـظ الله .. :$