أكمل او لا ؟

السلام عليكم
ابعرض لكم مشكلتي لجل افضفض ومنها ابي حل
وش تنصحوني يعني
انا تعرفت في هالسنة على بنت وهالبنت انا صرت وايد وياها لدرجه اني تخليت عن صديقاتي
اللي قبل يعني اللي من 5 و6 و3 و2 سنين المهم اول شي علاقتي معاها عادي مثل اي بنت
لكن بعدين وايد ويا بعض لدرجه انه تخبرني بأسرارها ومره قالت بتضيفني فقروب فيه بنات المدرسه
واخواتها المهم قلت طيب وبعدين بعد فتره من شهر قالت بدخل خطيبها - ولد خالتها - وبدخل اخوها
وكان الكلام عام ابد ما نتمادى بس مرات اكون داخله ومحد فالقروب غيري انا واخوها المهم انه نجلس نسولف وكذا
وعارفين حدودنا وما نتمادى يعني ومره طلب مني اخبره عن اخته وش تسوي وكذا يعني لان اخته عندها اكثر
من مرض الله يشفيها يارب ويرزقها الصحه والعافيه دعواتكم لها وهو عشان مصلحتها طلب هالشي وانا رفضت
ما اقدر اخون ثقة صديقتي واخبره لكن بعد ما اقنعني انا قلت له الاشياء اللي احسها تنقال لكن اللي ما تنقال ما قلتها
واخوها حبني وكلم امه فالموضوع عشان تخطبني ما يبى بالحرام نسوي علاقة وو طبعا انا ما عندي علم بس صديقتي
تعرف كل شي وطبعا هو اول قال لولد خالته اللي هو خطيب صديقتي وهي عرفت من خطيبها وكذا وللعلم اخوها
حيل قررريب منها المهم بناات مره انا كنت بالقروب وكان خطيب صديقتي موجود وقال لي
انه في شي من اخوها تجاهي انا بلمت ما عرفت شقول ودشت وحده من البنات المهم وغيرنا الموضوع
بعدها انا تهورت وضفته وكلمته وقال انه ما بيكون بس بيني وبينه بيكون بعد بين اهلي واهله قلت طيب
وسالني احد فحياتج ؟ قلت لا وانا ما كذبت بس كنت متعرفه ع واحد قبل وتميت وياه شهر المهم هو عرف
من التوبيكات اللي كنت احطها كان بها حرف وسأل اخته وهي تعرف بس انكرت وقالت بنت عمها وايد وياها
وو المهم انه هو قال بعد قبل انه اذا احد عرف بموضوعنا انه نحن نكلم بعض ومب بالحلال بيقطع يكلمني وو
قلت طيب ما بخبر وو المهم وصله يوم من وحده انه تعرف اللي بينا وو انا انصدمت يوم قالي طبعا هو ما يبى
احد يعرف لان عشان خواته وكذا من اول مره كلمته بعد ما ضفته ع الايميل خاص مب فالقروب
المهم الحين انهينا اللي بينا ما ادري بعده يبيني او لا المهم وصديقتي تطلقت مع خطيبها عن كلامه هو
تدرون ليش ؟ من ضمن الاسباب انه انا واخوها يعني صار بينا انه البنت عرفت وهو خلاني عشان كذا ربيعتي حاولت تصلح
ووقفت معي الا انها ما تعرفني الا هالسنة ووقفت في وجه خطيبها واخوها مع انه مع خطيبها من 4 او 3 سنين
وخطيبها زعل ليش سوت كل هذا عشاني وهي ما تعرفني الا سنة وهو من كم سنة
المهم الحين زعلان منها وكذا وبعدين هي يوم انا واخوها انهينا اللي بينا دقت فنفس اليوم وقالت بتنهي اللي بينا
وانا بكيت ووو وعلمت اختي اني كلمته وكذا واختي ما قالت شي عشان ما يكبر الموضوع ويوصل لامي وابوي وعشان نفسيتي
المهم انها ما تباني امشي مع صديقتي ولا مع اي وحده من اللي تعرفت عليهن او المجموعه اللي امشي معاهن
المهم انه صديقتي رجعت لي وقالت انه انهت عشان انها توقعت اخوها يصلح بينها وبين خطيبها
لكن خطيبها ما استجاب والله عاد مدري وش بالضبط السالفة المهم ورجعت تكلمني امس وكذا
والحين كيف اتصرف وانا اختي قالت لي لا تضيفين بنات من المدرسه واتركيهن انا مستعده اترك الكل
لكن ربيعتي هاذي مستحيل وقلت لها اليوم انه اختي عرفت بالموضوع
وتباني احذف كل ربيعاتي واقول انه الرقم تغييير وكذا وانا قلت لها
وقلت لها بعد انه بضيفج ع ايميلي الييديد بطرشه حقج في مسج
يعني بخالف كلام اختي بالسر بكلم صديقتي ع المسن وفوق هذا عندها رقم امي لان انا ما عندي جوال
واتواصل معاها عن طريق جوال ماما وتدق هي علي وكذا لكن بعد ما عرفت اختي بالسالفه حقت اخوها وكذا
صارت تعصب يوم تدق هي وصديقتي الا امس ردت لي يعني امس داقه واللي قبله داقه بتتسامح مني
لكن بعد ما رديت لان ماما كانت محد لكن امس رديت واختي عصبت وش الحل ؟
هل اترك صديقتي او لا ؟
نحن ضحينا عشان بعض واسرارنا مع بعض كيف اتصرف لو بقيت معاها ؟؟
انا ضميري يأنبني حيييييييييييل والله وتعبت الشهر الاخير من مستشفى لمستشفى ولليوم تعبانه بس احسن عن اول
دلوني يزاكم الله خير ؟