دقت طبـول الغـرام وخاطـري راقلـه

ياناس لي صاحب ودي على طول اجيـه
الصدرلـه ينشـرح والقلـب يشتاقلـه

اشتاق واجيه وارجع منه وعـود ليـه
كل الاحاسيـس مـدري ليـه تنساقلـه

اظماءعلى شوفته واجوع له واشتهيـه
لاغاب يمرض مزاجـي وان حظرفاقلـه

شخص له سلوب يجذب غيرالاعجاب فيه
الكلمة اللـي تجـي بالـذوق متثاقلـه

لاسولفت لي عيونه وانسجـم مهتويـه
دقت طبـول الغـرام وخاطـري راقلـه

ياللي تقولون راع الحب مثـل السفيـه
قولـو بعـد كنـه المجنـون يالعاقلـه

ياناس محد يحب انسان غصـب عليـه
والقـلـب مايعـشـق الا واحدلاقـلـه

الورد لـولا عبيـره كـان محـد يبيـه
والشهدلـولا مذاقـه ماتعـب ناقـلـه

بالله وين الخطـاء والعيـب يامدعيـه
لاصارمحـد فتـش قلبـي ولا واقـلـه