حلو الاوريو لايطوفكم

مرحبا بنات شلونكم بما ان رمضان قرب جبتلكم تايوم طبق حلو سهل ولذيذ المهم ماابي اطول عليكم
حلو جيز كيك الاوريو
المقادير :
بسكوت مطحون تقريبا 8 اكياس بيتي بور ابو اربع حبات وممكن تستبدلينه في بسكوت اوريو مطحون
زبده سايحه تقريبا اصبع
علبة نستله كبيره
12 جبنة كيري
بسكوت اوريو مفتوح ومنزوع منه الحشوه الداخليه تقريبا 16 حبه او اكثر
1 كرتون كريم كراميل
نص كاس ماء
الطريقه :
تخلط الزبده السايحه مع البسكوت وترص بالصينيه
وبالخلاط تحطين علبة النستله والجبن وتضرب بالخلاط عدل وتصبينه على البسكوت
ودخلينها الفرن من فوق بس دقايق لين تجمد
وبعدها تصفين البسكوت اللي فضيتيه من الحشوه على وجه الصينيه يم بعض
وبعدها تغلين نص كاس الماء و الكريم كراميل وبعدها توزعينه على وجه الصينيه شوي شوي بالملعقه لما تغطين وجه الصينيه كله ودخلينها الثلاجه لما تجمد تقريبا 4 ساعات ومو اقل وكل ما طالت المده اكثر بالثلاجه احسن وبعدها تقطعينه بالقطاعه الدوائر بحجم الاوريو وبالعافيه
جربوه وادعولي جد حلو وحتى الرفله يضبط وياها :eh_s(15):