سوقنا للمضارب انت وحظك وافضل طرق الشراء حسب ماظهر في الايام القريبه الماضيه كتالي :
اخواني اسعد الله اوقاتكم بالخير والبركه
_ مقدمه بسيطه :
سوقنا لازال في وضع متذبذب جدا ولا يتنبأ بما سوف يفعل صانع السوق الخايس وذلك لانه اعطى اوامره من شهرين لقياديات السوق بالهبوط لتزف معها باقي اسهم السوق
بشكل غير طبيعي طبعا من تابع المحللين والاقتصادين في القنوات الفضائيه عرف ان ما يحدث في السوق غير طبيعي وان هناك ضغط كبير على القياديات وكل ما صار اختبار
لشراء في الاسهم حدث ردة فعل مقابله برش الاسهم للبيع وباقل من سعرها بحوالي 1 الى 3 % لتبقى اسهمنا الغاليه في حالة هبوط من شهرين تقريبا وبحجة الكذبه الكبيره
الاسواق العالميه وان المتداولين العاديين يهربون من السوق بينما ان الصحيح ان صانع السوق يمتلك 70% يرش في الاسهم بشكل غير طبيعي والمتداولين العادين لايملكون
الا 30% واغلبهم خسرا ومتعلق اذن من اللي يبيع ويشتري .
ذكرت سابقا ان افضل الاوضاع للمستثمر بانواعه الذي دخل باسعار عاليه الخروج باقل الخسائر والدخول في بداية شهر 11 /1433هـ ممكن يكون تتحسن فيه الاوضاع وانتهاء الاجازه
ووجود محفزات قادمه لسوق تصحي معها اقوى الهوامير الا اذا صانع السوق يريد عكس ذلكـــ امــا اللي مو محتاج فلوسه حاليا يبقى على امل يرجع سهمه لسعره اللي دخل فيه خلال
الفتره القادمه مع العلم ان الاسعار اللي كانت قبل شهرين وصلت لها الشركات في اكثر من 6 اشهر .
___ الآن في ظل الظروف الحاليه للمضارب ممكن يكون هناك طريقه تتعامل معها في الشراء من وجهة نظري :
قبل افتتاح السوق بثلاث او خمس دقائق تعرف توجه اسهمك المفضله لك قبل التداول من خلال اوامر قبل الافتتاح الاخيره وتعطي أمر شراء باقل من سعر اغلاق اليوم السابق بــ 60 - 90 هلله
وانت وحظك لانه من لاحظ الاسهم تنزل في حدود 4_ 6% ثم ترتد ممكن من خلالها تكسب في الارتداد وهذا مايشغل اغلب الاعضاء وتغيبهم الثناء التداول المتابعه الدقيقه لهذي الطريقه .
كذلك اثناء التداول اذا احد الشركات نزل في حدود 5 - 7% وثبت عليها اكثر من نصف ساعه ولم ينزل الى 9% ممكن تكون فرصه لشراء وفي كلا الحالتين تكون الخساره خفيفه في حال
لم يرتد السهم عنها طبعا ملاحظة المؤشر العام .
ملاحظات هامه لما ذكرت :
_ السوق انت وحظك والدليل ان كل المحللين الاعضاء يقول يمكن ينسب السهم الفلاني او يرتفع 30 او 40 هلله وهذا ممكن يعني حظ .
_ بعض المحللين اوصى على اسهم وجت صحيحه واحيانا كثيره نكبه خاصه في ظل اوضاعنا الحاليه يعني انت وحظك .
_ الدخول بسيوله 60% ما يكون الدخول باكثر منها .
_ لا ننسى يا اخوان كل فطير وطير لا تطمع .
_ وقف الخساره انت من يحدده ولا تلحق السهم على ارتفاعات مهما كان .
_ الشراء في الاحمر افضل من الشراء بالاخضر لانه لو حدث نزول مفاجأ وكان كبير كما عودونا كانت الخساره اقل .
_ الحذر من الشركات اللي دبلت في فتره بسيطه ولم تاخذ حقها في النزول مثل باقي الشركات لان التصريف فيها اكثر سهوله .
_ كل ماقلته حاليا وسابقا من خبره بسيطه انا والله اعمل فيها حاليا واموري ماشيه تمام بالنسبه للمستثمر بانواعه الافضل الدخول شهر 11 / 1433هـ اذا صانع السوق عطف على الشعب ورحم حالهم.
بالتوفيق للجميع ,,,,,,,,,,,,
