تكفون قلبي تقطع على ولدي ابي الحل منكم

مرحبا خواتي كويتيات

ولدي عمره سنه وشهرين قبل خمس ايام ارتفعت حرارته 39
كل ساعتين ولاتنزل الا بالتحاميل والكمادات رحت لدكاتره وذبحو ولدي مضادات وهو جاهل ولانزلت حرارته الي يقول احتقان والي تسنين وغيره
الي صار وديته استشاري اطفال قال معه فطريات بالفم عطاني جل دكتارين ومضاد شراب بفضل الله صارت حرارته تنزل كل 6 ساعات ترتفع افضل من اول يعني
الحين ولدي لثته مزرقه وكلها حبوب ودم واسنانه تكسر الخاطر وبينها كنه بقايا حليب وريحة حلجة مو حلوه وكلش مايبلع الحليب ولاياكل بس يبجي قطع قلبي مدري شسوي



سالتكم بالله الي مرت عليها هالحاله لاتبخل علي ابي استشارتكم شسوي وربي يصيح بشكل مو طبيعي عور قلبي وبعرف من شنو جااااااااااه هالمرض لدرجة وسوست بخدامتي
ومدري شسوي نخيتكم خواتي لاتنسوني من الدعاء والنصايح واجركم عند رب العاااااااااااااااااااااا االمين