لصاحبـــــــــــــات الجمعيـــــــــــات والاعضاء ... اقتـــــــــــراح

السلام عليكم ورحمة الله وبركاته ....

والله مادري كيف ابدا في الموضوع ..

بس شيكت تقربيااا على اغلب الجمعيات وكلهم حلوين بس احس يبي لها ترتيب اكثر

واعتماد وتوثيق اكثر .

وانا ادور بين المنتدى قريت كثير مواضيع لها علاقه بالجمعيات في موضوع

على مافهمت انها بعد ماحولت وتبي تتاكد من المنسقه ماردت على جوالها

وللضروفها لاكثر يعني مافي تلاعب

وفي موضوع ثاني والله ماذركره بالضبط بس انه تاخرت المنسقه عن تحويل الراتب

وكمان مو القصد انه نصبت عليها ... بس بسبب ظرف حصل لها

والله ان الدنيــــــــــا فيها خير ... وامانه ومخافه من الخالق قبل كل شئ

وكل شي يتم بالتوكل على الله

والله ماودي اطول عليكم بس لازم تقروا الموضوع

وفكرتي

1_ ان كل هالجمعيات تتوحد بجمعيه كبيره او السهم الواحد يوصل للعشره الف بتقاسم
2_ ان كل اللي دخلوا الجمعيات من قبل يرشحوا منسقه وحده وعدد ثلاثه نائبين ويتم ذلك بان كل عضوا او منسق يدخل ويكتب اسم يرشحه ويفضله والاولويه تكون للي تتم ترشيحها اكثر
3_ سالفه للفوائد للمنسقه وانها تاخذ قيمة السعي حقها يتنسي
4_ المرشحات اللي تم اختارهم يعتمدهم الموقع في قسم يكون اسمه جمعيات اسواق ستى
بالتعاون مع مصمم الموقع (( شكل هالبند صعب ))
5_ المحاوله قدر الاماكن من المشتركين والمنسقين انهم يحطوا اي شئ يضمن حقهم وحق غيرهم مثل عنوان السكن ولاشيكات ولا ورق موقع ومختوم وان امكن مبصوم عليه زي الوثيقه اللي حاطتها وحده
6_ مع صورة بطاقة الاحوال اللي ترسل يكون في صوره بطاقه لاحد من افراد اسرته ومعه رقم الجوال ( تنفع لاي ضرف طارى )

وباقي نقاط كثيره تفيد والله ...

كل هذا يخص بالاكثر الجمعيات الكبيره
و كل هالنقاط لها نقشات كثيره ودرسات اكثر وقليل من الاقترحات والافكار من الاعضاء عشان ماتطول السالفه

والاحسن ان يكون الاعضاء المشتركين داخل الموقع
وبعدين اذا احتاج الامر ونقص العدد يكمل من خارج الموقع بنفس الشروط المعتاده عليها

وهذا يكون حسب اختيار واتفاق المنسقه وونائبين

ولازم يكون التواصل اكثر بين المنسقه وونائبين بالاقارم الجوالات ويكونوا على اتصال دايم


والموضوع له بقيه مانتهي


ابدوا رشحوا بطريقتكم وحطوا تعليقاتكم

خلال اسبوع عشان تبدوا جمعيه بسلام وامان وبسرعه لانه اغلب الجمعيات تبدا شهر
7 وعشان بيدوا اخواتنا المرشحات بالترتيب بعد موافقتم وموافقة الاعضاء على فكرتي

وان شاء الله تعجبكم فكرتي