ذكرى شا عرة

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
[[بسم الله الر حمن الر حيم

لو سؤلت من هي أفضل شاعره عندي كان قلت

بكل تأكيد عابره سبيل رحمها الله وغفر لها ان شاء الله

أبدعت وكتبت وما زالت كتاباتها من اروع الكتابات عندي

حاب اني اتذكرها ببعض الابيات والقصائد من ديوانها الوحيد

ديوان عابرة سبيل بكتب المقدمه تبعه لانه جد رووووووعه

كافي انه اهي اللي كاتبتها

أنا لا أعصر الجرح لتفرحوا بنزفة فهذا عذاب آخر بل تعصرني

الجراح وتولد القصائد أنا لا أتصنع ولا أغير في ملامحي قصيدتي

بعد ولادتها إذا أعلنت القصيدة وصولها لا أملك لها سوى قلما صادقا

ينقلها كما هي كما تجول وتتخبط في داخلي لا رتوش ولا مكياج تقبلوا

مني صادق إحساسي وشاركوني مشاعري وشكرا للجميع

عابرة سبيل

باكتب لكم بعض القصائد كامله والبعض اجزاء منها

أعيش حره
في ضامري عنوان حرة تحدي
أبا اكسر الأغلال واعيش حره
باصنع قراري وكل شيء بيدي
مليت من صبر عطاني مضره

عابرة
اهلي ما يدرون اني شاعره
بس مايدرون في جرح الليال
يمنعوني من كتابة خاطرة
ما دروا اني زمان بهالمجال
آه لو يدرون اني عابرة
عندهم بتصير موتتنا حلال

مسافرة
مسافرة مسافرة وجمعت انا اشيائي
بروح ادور لي ارض غير مأهوله
افكاري مبعثره والمشي عشوائي
والدرب محظور والأحلام مشلوله
بروح امارس جنوني واقتل اعبائي
مابي خوي يخاويني بهالجوله
بحمل معايه صراحه وقول تلقائي
وقصه موادع وقطعه قلب منزوله
وشعري وجنوني وفلسفتي مع آرائي
بطلق لها عنانها وتقول ما تقوله
في رحلتي مستعده افقد اعضائي
دام اني آمنت فيها صرت مسؤوله
مليت وانا انطعن بالظهر واستائي
ما قلت لو مرة هالطعن وش هو له ؟
مليت اكفر اخطاء ما هي اخطائي
وادرى براع الخطأ واقول من هو له ؟
فر رقبتي قلاده هي سبة ايذائي
من قبل لا اولد وهي بالعنق مغلوله
محتاجه للنفس ضيقه احشائي
واشوف مفتاح قيدي مقدر اطوله

بطاقة شخصية
انا عجوز مطلقه وام ورعان
وايضا مدام وبنت وآنس عانس
انا بدويه وعايشه عند حضران
وبنت البحر وابوي زارع وغارس
اميه ما تعرف حروف والوان
وتلميذة دشت جميع المدارس
ظفره وخبله عاقله في نقصان
شرود وانطح لي ثمانين فارس
خلون اعيش العابره دون عنوان
طيف يمر بلا رقابه وحارس

أمي
يمه يا يمه فديتك لا تخليني
بعثرني الهم وابغى يديك تجمعني
يمه افهميني تراك ما فهمتيني
ما فيه شخص بهالدنيا يسمعني

ضايقه
ضايقه بالحيل محتاجه اشتكي
لو لا طبع في يمديني شكيت
بس ادور عذر منشان البكي
لو يدوسون بطرف ثوبي بكيت
كل ما جيت اتريح وارتكي
يزدحم في خاطري ألفين بيت
ويش بيدي أفعله غير الحكي
قاصره خطوات رجلي لو مشيت
أسرعي يا نفس موتي وأهلكي
صرتي همي يوم بالدنيا شقيت

خويه الذات
انا آسفه يا قصيده وابعدي عني
الوقت كله عطيته لامتحاناتي
حتى حبيبي بطيفه لا دنى مني
للغرفه الثانيه لملمت حاجاتي
الوقت وانا دروسي يهمني
خليني اختمها مسك آخر محطاتي
ما انكر جميلك علي يا مخففه عني
قصه شقاي وعناي وكل ضيقاتي
ادري انا منك وانتي قطعه مني
لكن صراحه ثقيله بعض الاوقاتي
خويه الذالت لا لا تزعلي مني
العمر قدام وانتي مرصد آهاتي

وقفت اطالع
سألت عنه الشمس يا شمس وينه
واشوفها عني لجت تزبن النو
وسألت عنه في شوارع مدينه
لكن طفت انوارها واظلم الجو

ليل الشتا
في عز ليل الشتا قعدت يلحالي
ما اغير انا وهاتفي والبوم والدوه
انطر يبي يتصل بي واحد غالي
وطفيت ليتي اخاف انشاف في ضوه
اقلب الفيش اخافه عاطل بالي
اموت واحيا وعقرب ساعتي توه
انا في موقف يخوفني به اظلالي
واقول ما قوم لين يقول لي قوه
ودقات قلبي تزيد وينشغل بالي
ويزداد خوفي لا درت الوجه للهوه
خلاني انطر حبيبي المدن التالي
عز الله انه ما سوى خير ومروه

صبحيه العيد
ليته درى صبيحه العيد وش صار
يا هي جرت لي من عذابي هوايل
يوم العذارى بيحن بعض الاسرار
وجت السوالف بين قيل وقايل
هذي معايدها قبل وقت الاسحار
وهذيك صاحبها عطاها رسايل
وهذي تقول انه لفا البيت زوار
وهذيك راحت له زياره عوايل
وهذي تفاخر في غلا الصاحب البار
تقول عايدها بكل الوسايل
وانا اطالع فوق ويمين ويسار
بالعيد ما حتى مشطت الجدايل

من الصغر احبه
غرامه ربى في داخلي وانتشر بالحيل
من الصغر حبه في حشا النفس منغرسي
انا في نظر عيتي حشا ما سمعت القيل
اهو حاضري ومستقبلي وباكري وامسي
جحدني مثل ما يجحد الكافر التنزيل
فجعني مثل فجع الهواجيس للمسي
جرحني مثل جرح الثرى من عزير السيل
رماني مثل ما يرمى بالي اللبسي

العمر يا صاحبي معدود
نضيع في لمحة الرمشي
مهما نسوي نريد الزود
الواسطه فيه ما تمشي

الرحيل
ميخالف ارحل بس لا ترحل بعيد
ميخالف اهجر بس خلك بداري
ميخالف اعشق الف عذرا من الغيد
ميخالف اجرح بس حاول تداري
انا عقب فرقاك ما مرني عيد
العام ذا من كل الاعياد عاري
ياصاحبي لا تكثر العذل وتزيد
معذور الاعمى لو مشى الليل ساري
بابيع عمري لك من غير تحديد
عمري رخيص من يوم شفت انكساري
عقبك قسم بالله مدري وش اريد
ابنتظر ما بي ثمن لانتظاري
واتركني اغرق في بحور التقاليد
ارحل وسافر بس خلك بداري

احب ثاني
انتم تحبوني وانا احب ثاني
واللي احبه باغي ناس ثانين
هذا ابتلى فيني وهذا بلاني
واللي بلى مبلي وباليه مسكين

لا وداعيه
لا وداعيه ولا هم يحزنون
قط لي كل الرسايل وانصرف
رافض حتى وداع التلفون
قام يكرر ما تخبيه انكشف
ما جداي الا اناظر بالعيون
لين زوله عن مدى العين انحرف
كيف خان وهو حالف ما يخون
وين عهده وين كلمات الشرف
كل شيء عقب محبوبي يهون
واستوى عندي عذابي والترف

قال اسمعي
قال اسمعي فرقاك غصب عليه
عيا الزمن يمشي معانا بالاوفاق
وقفت لا ميته ولا نيب حيه
تضاربت بالجوف ضيقه وحراق
وقال الرسايل وينها قلت ذيه
وللريح عرضت الرسايل والاوراق
ورزيت نفسي واتظاهر قويه
يعني كاني ما تأثرت بفراق
وانا عذاب الكون صوت عليه
اضحك بسني واختم الضحك بشهاق
ما كنت اظن الليل يمسي عليه
ولا كنت اظن تعود الشمس بشراق

امومتي
قال الوداع وقلت له بالسلامه
هذي ظروفي دايما جابراتي
مسحت عبراتي بكف الندامه
وتليت من كفه حوايف عباتي
قفى يداري عضه في ابهامه
وقفيت اداري عضه في شفاتي

هذاك
هذاك لو قال الشتا صيف عرقت
ولو قال صيفي برد شبيت ناري
هذاك لو قال الجمل طير صدقت
اقول ريشه بعثرته صحاري

مقدار
مقدار حبي عالم فيه ربي
والا الموازين لغرامي ظلومه
لا لا تقارن حب امك بحبي
اخاف من عينك تطيح الامومه
اخشى يقولوا عنك ما هو متربي
ما بي اشارك في عقوق الرحومه

هذي قصائد ساخره للشاعره عابره سبيل

يا خبلي الغايب متى ترد للعين
متى اشوفك او تجيني رساله
صحيح بالدنيا خبول كثيرين
لكن خبالك يا حياتي لحاله

يا ناس وين اسبنش باباي
باعطيه خل نقل همي
حتى يصارع جميع اعداي
واول ما يذبح ولد عمي !!!

العنز
تطورت العنز مع من تطور
ولا هوب مقصور التطور على الناس
عقب الربيع والزين والخد الاخضر
قامت تعلك بالمدينه بقرطاس
ترضع صخلها من حليب مبستر
تخشى رشاقتها مع الوقت تنداس
باقي قليل ويشرب التيس منكر
ويروج الهروين راعي وعساس

يا عنتر
لي صاحب منه تبي تطلع الروح
خبل ومن هي مولعه فيه خبله
عامين المح له مع الجد وامزوح
واقول يا عنتر تناديك عبله
طال المدى ثم قلت انا اغليك يا لوح
مجروحه جرح مخاطره عجله
دنق وقال آنا من العام مجروح
واشر لجرح مبطي وسط رجله

ريجيم
دوم يعيرني يقول انتي متين
حلجك المفتوح لازم نغلقه
هيه يا دبه لزوم تخففين
والا اثور فيك عشرين فشقه
وفي رجيمي استمريت اسنتين
جدى اللي ما بغيت الحقه
ويش رايك قلتها بصوت حزين
قال دبه وانقلبتي لى اسلقه

هبيل بلاه الله
انا لي ثمان سنين متولعه
وعلى جملة اهل الحقد والعذل محتجه
كتبت القصايد كلها يا جماعه فيه
عليه الحشا مثل القراطيس بالعجه
عقب هالعمر يسأل قصايدك من هو فيه؟
يا ويل قلبي كان نشدته من صجه
انا ودي اطقه واخاف آتوثم فيه
هبيل بلاه الله في بنت مرتجه[/font][/size][/poem][/poem][/poem][/poem][/frame][/poem][/poem]