مرحبا كويتيات..
هذا اول موضوع لي بس بغيت تشجيع منكم
حبيت أتكلم عن أفضل المنتجات اللي صار لي فترة استخدمها وفعلاً أثبتت جودتها رغم ان بعضها أسعارها مو غالية بس جودتها عالية.. واسمحوا لي إذا حطيت صور من النت لان ما اعرف انزل صور من الكاميرا
بالنسبة للميك أب:
طبعاً بلامنازع أحلى بودرة هي ماكس فاكتر الذهبية فعلاً لها قدرة على الثبات مدة سبع إلى ثمان ساعات مع العلم اني استخدمها بدون أساس
http://up3.q8yat.com/uploads/images/...181c0bd99d.gif
وبما ان احنا في الصيف فأحلى سن بلوك هو هالعصار الصغير من لوريال .. الحلو فيه انه ما يدبق مثل باقي السن بلوكات ويخلي البودرة تتوزع بشكل سموذ والطلة النهائية تطلع حلوة
http://up3.q8yat.com/uploads/images/...9f49745e1b.jpg
وأحلى كونسيلر من كلينك خاصة انه يخفى الهالات بشكل طبيعي من غير ما يثقل على العين ونتفة صغير منه تخفي الهالات حوالين العين
http://up3.q8yat.com/uploads/images/...c9b83ef1e4.jpg
أحلى بلاشر هالبلاشر من ريميل اسمه سانتا روز رقم 1 واللي يميزه ان حجمه صغير يعني تقدرين تحطينه معاج في الشنطة ولونه عجيب صاير بين الوردي والبطيخي خلطة حلوة وطبيعية يعني حلو للصبح
http://up3.q8yat.com/uploads/images/...f463a97bab.jpg
هالبلاشر من بودي شوب بعد حلو إذا حطيتيه بروحه يعطي لمعة حلوة طبيعية للخدود أو حتى مع بلاشر ثاني
http://up3.q8yat.com/uploads/images/...821d613044.jpg
بالنسبة لمنتجات البشرة فأنا أحب هالبخاخ بعد من بودي شوب هو بخاخ فيتامين إي فيه نسبة ماي ورد وريحته حلوة منعش وحسب كلامهم يوقظ البشرة أنا أحب أحطه على بشرة نظيفه بس تقدرون تستخدمونه كمثبت
http://up3.q8yat.com/uploads/images/...40f5a75f55.jpg
وهذا السيروم العجيب فيتامين سي الغني عن التعريف أنا أحب استخدمه بعد على بشرة نظيفة لاحظت انه يصقل البشرة ويصغر المسامات بشكل بسيط وريحته حلوة مثل البرتقال وأحياناً أخلطه مع الأساس بعد يحلي البشرة
http://up3.q8yat.com/uploads/images/...4373bb3171.jpg
أحلى مناديل استخدمها لازالة الميكب هي مناديل جارنيه هذي أحسها مثل جونسون بس الفرق في السعرhttp://up3.q8yat.com/uploads/images/...6ce49fd49c.jpg
http://up3.q8yat.com/uploads/images/...71ff3a47a8.jpg
المجموعة كاملة من غارنيه حلوة اللي للبشرة الجافة وريحتها حلوة مثل ماي الورد وسعرها ولا شي بالنسبة حق مفعولها
بالنسبة لمنتجات الجسم فأحلى زبدة هي زبدة اللوز من بودي شوب ريحتها وايد حلوة ومفعولها عجيب خاصة للبشرة الجافة
http://up3.q8yat.com/uploads/images/...8b39b9ed35.jpg
وهذا أحلى مقشر للجسم ينظف من قلب وريحته كأنج قاعدة في كوفي شوب على كباتشينو عجيب ومكوناته طبيعية يتكون من السكر وزبدة الشيا
http://up3.q8yat.com/uploads/images/...4e56ba2b6d.jpg
وطبعاً غني عن التعريف الفازلين بس أنا احب اللي بزبدة الكاكاو حلو تحطينه على ريولج قبل النوم يعطيها نعومة ويمنع التشققات على المدى ومع الاستمرار
http://up3.q8yat.com/uploads/images/...d20585437e.jpg
واحب هالواكس ستريبس من فيت حلوة حق إزالة شعر الشنب إذا مالج بارض تروحين الصالون
أما بالنسبة للشعر فهذي هي المنتجات اللي مستقرة عليها هالايام
http://up3.q8yat.com/uploads/images/...9ef6886fbc.jpg
حمام زيت بوناويل اللي أقصده نفس اللي في الصورة اللي يجي جامد شوي ومكتوب عليه انه ينخلط بشوية ماي بس فعلا يعطي نتيجة ممتازة للشعر
http://up3.q8yat.com/uploads/images/...39e495ed7f.jpg
وهذا توه جديد مؤخرا بس أشوفه في السوبر ماركت هو عبارة عن بخاخ للشعر من جارنيه ترجينه لان هو عبارة عن طبقتين وتبخينه على الشعر الرطب وعن تجربه يخلي الشعر فيه حيوية من غير ما يثقل عليه وريحته حلوة
http://up3.q8yat.com/uploads/images/...8dbb28ae7d.jpg
وهذا الأخير من كريم براشوت ريحته حلوة وخفيفه أحلى من كريم براشوت العادي ويرطب الشعر من غير ما يثقل عليه
الحمدلله خلصت موضوعي وانتظر ردودكم :ggdw:
