اغنام - ابل - دواجن - طيور
من نجد لا هبت هبوب الرياحي
كني على جو الرياض مغصوبي
ضاق الفضا بي من جميع النواحي
وسجيت رجلي مع طويل الدروبي
والى وصلت فجوج نجد الفياحي
ينساح بالي يوم اشم الهبوبي
واسج والقى ونستي وانشراحي
اول ضحى والا حراو الغروبي
ما حولي الا خافقات الجناحي
في مهمهٍ سقاه وبل النصوبي
وظروفنا من كثرها وش نناحي
في كل يوم تغير من كل صوبي
والمسعد اللي من عناها استراحي
خالي فكر ما لابه الهم لوبي
الشاعر خليل بن هدلان
