فيج سيلوليت !! تعالي شوفي نصيحة جويل مردينيان للتخلص من المشكلة 100%

السلام عليكم ورحمة الله وبركاته

اهلين عسلاااات

ان شا الله تكونو بخير وصحة وسعادة =)

..
طبعا كل ما استفدت من معلومة او شي يفيدكم
احب اقوله لكم لاني حيل استفدت منكم :eh_s(22):

,,

انا حضرت الخميس الي راح
برنامج لوكس غاليري بيوتي
كان برعاية خبيرة التجميل اللبنانية جويل مردينيان
غنية عن التعريف
بس اخذت لها كم صورة من حبي لها لوووووووول


http://up2.q8yat.com/uploads/images/...bca54df51c.gif

http://up2.q8yat.com/uploads/images/...05402c0b99.gif

قمر وعسسسسسسسسسل فديتها :eh_s(17):

المهم انا سألتها عن علاج نهااااائي للسيلوليت
لان نسمع عن علاجات كثيرة
وكلها تخفف من المشكلة ما تقضي عليها

قالت لي الحل بسييييييييييييط
اول شغلة كثري شرب المااااي حيل وهذي كلنا نعرفها
تقول تخرج السموم من الجسم

الشغلة الثانية ..
قالت كل يوم وركزو ع كلمة كل يوم
ع قولتها لو شو ماصار
ماتتركي التدليك الجاف للبشرة
dry boody brushing
بفرشاة بودي شوب
هذي صورتها
[IMG]http://im23.********************************************/2012-06-03/1338677683941.jpg[/IMG]


التدليك يكون جاف لاتحطون كريم او دهن او اي شغلة ..
ويكون التدليك باتجاه القلب
يعني كأنك تمشطين جسمك ع فوق اتجاه القلب
من تحت لفوق وهيك
قالت مع الاستمرار بشكل يومي
يروح السيلوليت 100%
رفيجتها تعاني من هالشي بلندن وجربت هالعلاج
وفاد معاها
بس نبهت ان هالشي تستمرين عليه كروتين يومي
مثله مثل الشاور
يعني لو تركتيه 4 او 5 ايام يبدأ السيلوليت يرجع شوي شوي


هذي النصيحة راح اطبقها اكيييييييييييييييد
بس حاليا انا مسوية تقشير لبشرتي فممنوعة من هالشغلات:eh_s(4):
لكن حبيت افيد خواتي كويتيات ..

وفي كم شغلة استفدت منها من اسئلة البنات ..
- قالت لاتستخدمون كريمات من ماركات مختلفة
يعني مثلا تستخدمي كريم للهالات السودة من نيفيا
استخدمي كريم النهار والليل والسنفرة كلهم من نيفيا
خلصي المجموعة وابدأي بمجموعة ثانية
عشان لايتضارب مكون مع ثاني وتصير لكم حساسية ..

- شغلة ثانية
مثلا هالشهر ركزي ع استخدام كريمات تعزز الكولاجين في فيسك
وخلصي الكورس بعدها ابدأي بكريمات لها فوايد ثانية للبشرة
يعني كريمات تفتيح مثلا وهيك
تقول كل فترة غذي بشرتك بشغلة
وراح تشوفين النضارة :rerrerek:

- تقنية البلازما
الي هي ياخذون دم من المريضة ويفصلون
الدم عن البلازما في جهاز خاص
بعدين يحقنون الفيس بالبلازما
الي هو عبارة عن فيتامينات وشغلات حلوة للبشرة
روووووووووووووعة
هي بنفسها جربته في مركز اوباجي في الرياض
يعطي لمعة ونضارة يمكن من اول جلسة ..

- لترطيب الجسم الزيوت افضل من الكريمات
قالت افضل زيت اللوز كمرطب ممتاز

- بعد تقشير البشرة لازم عناااااااااااية خاصة
ولا يرجع الوضع مثل قبل
ولا كأنك يابو زيد غزيت ..
وقالت لازم تستخدمو حماية من الشمس
ويفضل تكون 100%
فترة التقشير وبعدها ..
وبعد يكون water proof
ضد المااااي


وبث هذا الي دونته من كلامها ..



احبكم :eh_s(22):