اذا ودج تكونين عروس مثاليه
مرحبا يا عروساتنا
حابه انصحكم واخليكم تستفيدون من تجربتي مع التجهيز الزواجي
ودعواتكم ربي يرزقني الذريه الصالحه
اهم شي قبل الزواج تعرفين زوجج زين وتعرفين شنو يحب وشنو مايحب وشنو خاطره فيه وشنو يتمنى من ناحيه العلاقه بينكم والاخلاق والاطباع
راح اوضح لكم شلون
1- هل يحب ان زوجته تكون هاديه ولا فيها نشاط وطاقه ولا رومانسيه
انا ما اقولج تعدمين شخصيتي لكن تتكيفين وتحاولين تكونين على مزاجه
2- هل دوه تحملين على طول ولا بعد فتره وشنو لازم تكون احتيطاتكم ....
3-من ناحيه استعداداتج للعطور واللانجري ووووو
اقولكم ليش
انا شريت لي هذيك العطور الي مافي مثلها كل عطر اغلى من الثاني وفعلا كل من اسلم عليه يقلون لي عطرج عجيب شنو ودهن العود الله وكيلكم شريته ب 1200 ريال وشنو النتيجه عطوراتي كلهاااااا وزوعتها على امي وخواتي ودهن العود خبيته حق العروس
لان زوجي بكل بساطه يحب عطورات بودي شوب والعطورات الخفيفه وهذي غلطتي ماعرفت شنو يحب
شي ثاني شريت لي بطانيه حق غرفتنا بمبلغ وقدره لكن النتيجه بعد مارجعنا من شهر العسل قالي مو مورتاح في النوم والسبب البطانيه انا احب شي ثاني مو هذا
وقمت وديته المغسله وعطيته اختي
ولا ازيدكم من الشعر بيت المجموعه حقت الجسم من جل شاور ولوشن سبري مااستعملته الا 3 مرات وقالي خليهم واشري لج كل ما قربتي مني اختنق من عطوراتج
وطبعا عطور حق الفرش كلها ماحبها ووزعته
تقدرين تقولين تجهيزي اهلي استفادوا منه لاني ما عرفت شنو اهو يحب لكن فكرت شنو انا احب وشنو الموضه منزله وشنو احلى شي في السوق
المفروض اعرف ذوقه بهذي التفاصيل
والحين نجي حق الانجري
انا شريت من كل الاشكال والانواع والاسعار
لكن طلع ذوقه غير مايحب الطويل ومايحب المنقط ومايحب الا الستان
وووويه وانا شاده حيلي
بس استاهل
وكثروا من الشورتات والبديات والفساتين القصيره والجينزات يعني من اللبس اليومي حلوين
ونجي حق الاستقبال لا تكثرون لان السوق ماراح يطير واحتمال الي شريتوه تلاقون وحده لابسه مثله
والعبايات نفس الشي خسروا على عباه اول ليله والباقي عادين خلوهم لان كل ما صاروا فيهم تفاصيل كل ما كرهتي لبستهم
بس الله الله في فستان العرس تعبي عليه مو اول موديل تلاقينه تسوينه وكل ماكان ناعم طلعتي احلى والتسريحه لا تسوين الي بالصالون تقرره عنج لا دوري ودوري بالنت الى ما تلاقين شي يعجبج والمكياج نفس الشي دوري بالنت واختاري
والاهــــــــــــــــــــ ــــــــــــــــــم المصوره لان هذي الاشياء الي بتدوم صورتج حق عرسج وبس
وبعد العرس ملابس شهر العسل على حسب المكان الجو الي بترحون فيه
طيعوني اشتروا كاميرا زينه وطبعا انتي جهزتوا حق السفر من ناحيه الملابس لازم تكون مريحه وانيقه تعرفون ليش لان الصور راح تدوم واشتغلي على شكلج لان اذا رجعتي وشفتي الصور وانتي طالعه حلوه بيكون شعور راىع
ادري اني قرقت كثير بس مجحد قالي وعلمني وحبيت افيدكم ان شالله تستفيدون
وهذا الموضوع من ناحيه التجهيزات والتسوق مو من ناحيه العلاقه الزوجيه
ودعواتكم لي ربي يسعدني مع زوجي ويرزقنا بالذريه الصالحه :yaaaaaarb:
