شارك ولو بدعـوة(ماعادها نــوح وصياح..ينعاد عزك ياصلاح..ايه اقصد بحمل السلاح..الدين مايبغى هوان) للشاعربندربن سليمان الخمشي (صوتية)
ماعاد بالدعوا سكوت
في سوريا كلن يموت
قصف المنازل والبيوت
الله كريمن مستعــــــان
لا ياجتماعـــــات الفَلَس
والواقف اللي ماجـــلَسَ
واللي تعــوّد واختــــلس
وش صار مع كوفي عنان
كوفي عنــــــــان وشلته
دام العـــروبه خلّـــــــته
تدمــــح وتغفـــــر زلته
لازال في نفــس المكـان
يلعـب علينا بكلمــــتين
يحّـــول حنـــا مصدقين
ولاّ الحقيقـــــه خايفين
اطلق شــنب فينا جبان
بشـــــــار يرثع مادرى
كلن يشوف اللي جرى
واللي زبن خلف الذرى
يكفي تصاريح وبيـــان
كم مسلمن طايح جريح
والدم بالشارع يسيح
والشام تستنجد تصيح
كل البشر شاهد عيــان
اطفال ماتـــو بالمَـــهَـد
والشايب اللي مظطهد
وحنا نفــكر بالعَهَـــد
وشلون خان وليه خان
ذل وهوانن واغتصاب
تفنن بجــــز الرقـاب
بشار ماحسّـــب حساب
ياكيف للحين بأمـــــان
مافــيه واحـــد بينـنا
صغــــيرنا وكبـيرنا
منا ولاَ مــن غيـرنا
ينجح ويجتــاز امتحان
يقنص الجحش المريض
ياعنك مثله ذا حظـــيظ
والله يعيض المستعيض
وينـــــه عسى هذا يبان
ارجــال ماتو بالمئات
واطفال عانو من شتات
الى متى حنـــا بسبات
نعيش في قصة حنــان
الشجب ماجاب السلام
مافيـــــه فودن بالكلام
فينا مثل ذل النعــــــام
الفعـــــل ماهو باللسان
ماعادها نــوح وصياح
ينعاد عـــزك ياصلاح
ايه اقصد بحمل السلاح
الديــن مايبغى هـــــوان
الى متى ذلن وخــــوف
نبي اتحادات الصــفوف
خلّو التعــذر بالظروف
هذي نهايـات الزمـــان
اما نعـيش وننتصـــر
بس المــهم مانعــتذر
ولاّ نمـوت وننتظــــر
والموعد الموعد جنـــــان
القصيــدة صوتيّــة
اخوكم ومحبّكم :
بندر بن سليمان الخمشي
* حسابي بالتويتر :
Bander_s_k@
بندرسليمان الخمشي
:smilie47::smilie47::smilie47:
