يتحبيه طيب تعالي اقولك هايحصل ايه

السلام عليكم ورحمة الله وبركاته (اختى الحبيبة ...... أشهد الله أنى ما كتبت هذه الكلمات إلا حبا لك وخوفا عليكى ورغبة فى أن نشرب جميعا من يدى رسول الله على الحوض فى ظل عرش الله .......

أختى الحبيبة ........ بالله عليكى قفى مع نفسك وأساليها :
هناك ملك يمين وملك شمال يكتبوا كل شئ ... وقفتك معاه ... نظراتك ليه ...
كل (Missed Call) وكل (Message) أرسلتيها ليه ... هيكتبها ملك اليمين ... ولا ملك الشمال ؟؟؟؟
الأرض اللى واقفه عليها معاه هتشهد ليكى .. أم عليكى؟؟؟؟
لو رسول الله صل الله عليه وسلم جاء الان وأنتىى بتكلميه هتقولىله ايه ؟؟ .. صاحبى؟؟
لو ملك الموت جالك الان وانتى بتكلميه هتقولى لربنا ايه ؟؟ ... حبيبى؟؟

أنتى كده رخصتى نفسك ... مقامك إن شاب يتقدم لك فى بيت أهلك ....
مقامك ملكة على الحور العين فى الجنة ... وليس فتاة رخيصة (يا أيتها الغالية)

..... ونهاية علاقتها معه إن لم تتب الى النار ...

ألم تسمعى عن الحادثة المروعة عندما انحرفت سيارة نقل الى جانب الطريق
فسحقت عدة سيارات ... وأثناء انتشال الجثث من إحدى السيارات ....
وجدوا جثة شاب وفتاة كانوا فى حالة زنا معا فى هذه اللحظة فنزل عليهم انتقام الله وسحقهم أمام الالدنيا كلها...

هل أنتى مستعدة أن تموتى معه الان وتلقى الله على هذه الخاتمة؟؟

أختى الحبيبة ... تذكرى قبل أن تخطى خطوة واحدة معه ... أنتى ماشيه فى طريق اخره جهنم يعنى شعرة شعرة فى جسدك ستحترق ؟؟
جهنم يعنى عضو عضو فيك سيلتهب ؟؟؟؟ إيه اللى يستاهل؟؟

هل تعلمى أن بسبب هذه العلاقة ربنا ممكن يقول للملائكة يوم القيامة خذوها الى النار
فتجدى 70 ألف ملك ينقضوا عليكى لينفذوا حكم الملك ... فتصرخى ... ياخدونى فين يا رب ؟؟؟

أنا لم أكن أتحمل عود كبريت مشتعل فى الدنيا ... أتحبس ف تابوت جمر إزاى يا رب؟؟
أنا لم أكن أحتمل ماء ساخن يشوى جلدى فى الدنيا...

أصبح وأنام وأشرب من الحميم والمهل إزاى يا رب؟؟؟

فتسمعى النداء الأخير خذوها إلى النار ... مش أنتى اللى مشيتى معاه وأنتى عارفه انك بتغضبينى ؟؟
" كنت بحبه " .. حب حرام قائم على أساس حرام .. هى دى عاقبته يوم القيامة ...

تخيلى نفسك لحظة البعث ... الكفن يتمزق من حول جسدك ... تنتفضى من تحت التراب .... صراخ من حولك من كل جهة لكنك لا ترى أى شئ ... واذا بيد على كتفك من الجانبيبن ... فتصرخى بفزع مين ؟ ... سائق وشهيد ... ستساقى للعرض على الله ....
عاوزه تمشى معاه ؟؟ امشى معاه ... لكن لو هينجيكى يومها من العذاب الرهيب ...

احذرى أن ينظر الله لكى وأنتى تقولى له كلام الحب الحرام فينظر الله لكى نظرة غضب ...
ولو نظر الله لكى نظرة غضب فقد ضعتى .... وضاع كل شئ فى دنيتك واخرتك ........ وستظلى غارقة فى غضب الله إن لم تتوبى.

حبيبة الله إليكى هذه الصفقة:-
حبيبة الله ... تسيبيه .. وتنجى من عذاب القبر ؟؟
حبيبة الله ... تسيبيه .. ولا تقعى من الصراط المستقيم ؟؟
حبيبة الله ... تسيبيه .. وربنا يعوضك أحسن منه ؟؟
حبيبة الله ... تسيبيه .. ولا يشتعل عليكى قبرك نارا ؟؟
حبيبة الله ... تسيبيه .. وتفوزى بحب الله ؟؟

من ترك شئا لله عوضه الله خيرا منه ... لو تركتيه لأجل الله ... لو هو الخير ليكى
سيأتى الله به إليك ف الحلال ... ولو ليس الخير ليكى سيعطيكى الله من هو خير منه.
إختيارك لنفسك ... ما تتركى الله يختار ليكى !!

لسة بتقولى بتحبيه؟؟ ... لو بتحبيه سيبيه لله ... أنتى كده سبب فتنته فى دينه والله يقول

{ إن الذين فتنوا المؤمنين والمؤمنات ثم لم يتوبوا فلهم عذاب جهنم ولهم عذاب الحريق }


بتحبيه؟ ... لو بتحبيه خافى عليه ... أنتى كده هتوديه جهنم !!

ترضى تكونى أنتى السبب أن يشتعل عليه قبره فى جهنم؟؟
ترضى تكونى أنتى السبب أن تزل قدمه من على الصراط فى النار؟؟
ترضى تكونى انتى السبب أنه يتعذب فى جهنم؟؟

تذكرى إنك لكى تقابليه أو تحدثيه فى الهاتف 6 ساعات خنتى أبوكى .....
وخنتى أمك ... وخنتى أخواتك ... وخنتى قبل هذا ربك ودينك ....
ولا عقوبة لهذا إلا أن يخونك هذا الشاب فى يوم من الأيام أو يخونك زوجك فى المستقبل ...
والجزاء من جنس العمل ....

ماتفعليه الان خيانة لزوجك فى المستقبل لأن مشاعرك من الان ملك ليه هو , تذكرى أنك ممكن تحرمى من نعمة الزواج طول حياتك بسبب هذه المعصية وحتى إن تزوجتيه
سيحاسبك الله على كل دقيقة عصيتى الله معه فيها قبل الزواج

وأخيرا ... هذه الرسالة لكى من الله ... والله يقول

{ وماكنا معذبين حتى نبعث رسولا }

وممكن تكون دى اخر رسالة توصلك قبل الموت.

الأن .... حالا ... خذى قرار أن تتركيه ... اختارى ... هو أم الله؟؟
قولى له إن ألح عليكى لتعودى إليه .. انا مستعدة أضحى عشانك بأى شئ .. إلا ربنا...
أنا مستعدة أخسر عشانك أى شئ .. إلا ربنا...


توصيات عملية للنجاة من النار:-

1- استعينى بالدعاء فالله قادر أن يرزقك الزوج الصالح الذى يحبك وتحبيه ويملأ حياتك بالسعادة والحب .... قولى يا رب تركته لأجلك وأ،ا واثقة أنك ستعطينى الأفضل من عندك.
2- حتى يلتئم الجرح لابد أن يغلق عليه تماما .. غيرى رقم هاتفك وتخلصى من كل هداياه ومن رقم هاتفه.
3- ابتعدى عن كل مكان ممكن تقابليه فيه.
4- اسمعى كل يوم شريط دينى يذكرك بأعظم حبيب وهو الله.
5- نصيحة مجرب: أول أسبوع بعد تركه هتحسى أنك معذبة , تانى أسبوع هتحسى أنك ندمانة أنك تركتيه , تالت أسبوع مع الدعاء وصحبة الملتزمات وحضور الدروس ستحزنى عند تذكره فقط , وبالتدريج ستندمى على كل يوم جعلتيه جدارا بينك وبين الله.
منقول للاهميه والنشر جزا الله الكاتبه خير الجزاء