بن مساعد والناقور وعيال الثقيل

السلام عليكم ورحمة الله وبركاته

مساكم الله بالخير



والله ما اعرف مقدمات والامور هذي لذلك يخش بالموضع ع طول




اليوم اغلبكم شاف او سمع عن الحوار الي دار بين الامير عبدالرحمن بن مساعد والاعلامي ( العليمي ) نايف الثقيل وكيف وقاحته بالكلام مع رئيس النادي


يعني الامير الحين له كم يوم ويحلف ويقسم انه ماوصل عرض رسمي بخصوص ياسر القحطاني واخرتها اليوم حواره الصباح مع وليد الفراج بتويتر


واخرتها يجينا الاعلامي ( العليمي ) وينشر اشاعه ان العين شرا عقد ياسر واستند بمداخله الاستاذ عبدالكريم الجاسر بالراديو واليوم الاستاذ عبدالكريم وضح اليوم من خلال صفحته بتويتر انه ماوصل عرض رسمي من العين ولاصرح انه جا عرض ووضح كل شي بمدخلته مشكورا


الامير بتواضعه وشفايفته تدخل مع الاعلامي ( العليمي ) وبلغه انه كلامه مو صحيح وانه غلطان لانه ما صل عرض رسمي من العين واخرتها يجينا هالعليمي الجاهل ويقول للامير انت معودنا ع الكذب من انت يا الثقيل تكذب الامير وتقول انت معودنا ع الكذب


يالعليمي كلنا عارفين حقدك للامير بعد ما اصدر النادي تعليمات تعميم انه من يعمل لجهتين اعلاميه يمنع من دخول النادي ومن ذاك الوقت وانت حاقد للنادي وتحاول تنشر اشاعات وافتراءات ع النادي انت وكذا اعلاميين عليمين مثلك وشرواك

سمو الامير واقسم بالله اننا كجمهور نحبك ونصدقك بكل كلمه تقولها وتكرم من الكذب لانك رجل تخاف الله وكلن عارف اخلاقك والله ثم والله انك مثال للاخلاق الطيبه والحميده




اما نجي لسطام الثقيل واللي له من اسمه نصيب بثقل الدم وكبر الراس


هذا الشخص والله ماعرفته الا بتويتر من كثر سماجته هذا ما ادري ليه عنده حساسيه من ابو علي الاستاذ حسن الناقور


من بعد سالفه بتال القوس اعتقد ان الحميه القبليه الي فاهمها غلط الثقيل سطام اقصد ثقيل الدم فاهمها غلط وهو ماعنده سالفه الا الناقور والناقور سوا والناقور فعل


الاستاذ حسن فخر الهلال قدم الكثير والكثير والكثير للنادي بفتره قصيره واعتقد الحسد ملأ قلب الثقيل ثقيل الدم سطام فصار كل ليله بتويتر ماينام الا اذا جاب طاري الناقور الظاهر ابو علي مسبب له فوبياء
والله يا الثقيل ان ابو علي ما درى عنك لا انت ولا الامعه الي معك



ابو علي فخر الهلال والله انك على روسنا والف مليون شكر لكل ما تقدمه للهلال






عبالدرحمن بن مساعد حسن الناقور والله اننا نحبكم وجهدكم واضح وبيض الله وجيهكم لكل الي قدمتوه وراح تقدمونه للنادي وثقوا ان جمهور النادي الملكي ماراح تنجرف لرعاع الاعلام




وبالاخر
اتمنى ياجماهير الزعيم اننا ما عاد نتابع ونقرا لمثل هالاعلامين وانا والله من بعد هالموضوع اني راح احذفهم بتويتر وما اتشرف اني اتابعهم





( من فاته الأدب لم ينفعه الْحَسَبُ )