شخبآر من حبيت .. و أقفى وخلآك ؟!

يَ صغر قلبي على حمل آلجروح وسني
أصغر من انه يحتمل بعد لآمآك

هذآ انا يوم آخلف الوقت ظني
الحزن حزني و السوآيآ ! [ سوآيآك ] ..

بكيت و ابكيت العيون وبكني
تعآل شفني كل مآحآن ذكرآك

كم وآحد جآني بعدك و سألني !
" شخبآر من حبيت و أقفى و خلآك ؟! "

و آصد و الحزن المخفي ممتحني
و إن قلت : منهو ؟ .. قيل : مآهوب يخفآك !

قيل : العوض قلت : العوض مآشحني
والله لآ هذآ .. ولآذآ .. ولآذآك !

يآمآ بعضهم مرني مآفتني
يآجعل مآهم بالعوض في محيآك ..

الله لآيجبر عزآ من عذلني
مآجآه مآجآني .. ولآجآه مآ جآك

و اللي عذل ويقول .. [ لو و لو إني ] !
جعل يعشق له وآحد كنه إيآك

مآفي شي في حيآتي غبني ..
إلآ نهآر أقفيت و آخلفت ممشآك ،

الله من جرح قديم مكني ..
امدآك نزفه ، لكن دوآه مآ إمدآك

علي كم جآر الزمن وطعني !
أسمع صدى صوت المعآليق تنخآك

وين إنت ياللي كل مآغبت .. كني !
وآقف على بآب الامل و أتحرآك

ليتك تعرف تخون و أقول : خني !!
على الأقل ألقى سبب و آتنآسآك !

وليت الزمن في محبتك مآخذلني
و ليت الهجر من طيب خآطرك ورضآك

لو إن قربك و الوصل بالتمني !
مآ غبت عن عيني كثر مآ أتمنآك

خآيف يطول البعد و تسج مني
و [ يآخذ مكآنك شخص مآهوب يسسسوآك ]

* لـ / حمدآن المري ..