حسبي الله ن ونعم الوكيل باصحاب القلوب والعقول المريضه

السلام عليكم اعضاء اسواق ستي

انا قررت انزل موضوع بعد تردد بس لازم احذر الاعضاء من اصحاب العقول والقلوب المريضه وبالاصح اللي يصطادو في المويا العكره

انا صارت معايا شغله حبيت انزلها لكم موضوع بنفس الوقت حبيت اعرف رايكم باللي سويته
انا زي مانتو عارفين اعمل وانظم جمعيات وحاطه رقمي بالتوقيع للتواصل كوسيله اتصال وعلشان اسهل للاعضاء للاستفسار اذا ماكنت موجوده بالمنتدى ولاني مااتعامل الا بالواتس والمسجات شوفوو الاتهامات اللي تجيني اني نصابه ومن الاشياء دي

وكانت تجيني مسجات وعلى الواتس انه نبغى نتعرف ومن الاشياء دي وانك تعملي جمعيات تنصبي على الناس وتجمعي فلوس عادي تبغي فلوس مستعد احولك 2000 ريال عربون تعارف الوسخ اللي يرسلي كدا نسي اننا احنا بنات ناس واوادم

بس في موضوع صار معايا احسني من جد اتعاملت معاه بذكااء وربي نورني فيه بس ابغى رايكم برضوو باللي عملته
قبل فتره نزلت موضوع ابغى جهاز بلاك بيري مستعمل وقام عضوو من الاعضاء يسالني ليه ماتجيبي جديد وكدا قولت انا امكانياتي مستعمل مااقدر اشتري جديد وكدا ف يحاول فيا انتي كدا خسرانه ومن الكلام دا ف جااني على الواتس يحاول فيا لا جيبي جديد وكدا ولك عليا الجهاز مني لك هديه انا مستعد احولك قيمة الجهاز واشتريه وحسيت من كلامه انه يغريني وانه كانه يقولي انا اديكي واديكي قولت خليني اشوف اخرتها معاه قمت قولت لك انا مااحب الدين قال ومين قالك دين وكدا بالعكس حلالك وماابغاكي ترجعيه وكدا المهم قام يطلب رقم حسابي وقمت اتهرب كاسلوب اللي ابغى اوصله انه انت مستغل المهم من بكره حاول فيا رقم حسابك وكدا ف قولت له اوك اديته رقم حسابي وحولي لي وهو انسان يبغى يتعرف كل شويه يكلمني على الواتس ويتصل قمت قولت خليني اجاريه واوريه انه انت تبغى تستغل الوضع وتوصل للي تبغاه
هوه حولي 500 خليتها بالحساب المهم قمت اقوله انا وضعي مايستحمل وكدا اني اتكلم خليني براحتي متى ماقدرت اكلمك اكلمك قالي ليه وليه قولت له اذا زعلان هات حسابك احولك اللي حولته ماتمسكني باللي حولته قال لا ماقصدي وكدا( انا عادي لو انسحب على طول وماعاد تشوفي رقمي عادي ماابغى منك شي) ركزوو على اللي بين الاقواس
المهم انه يوم وارسل لي على الواتس انا راح امس رقمك انتي كسرتي قلبي وكدا ومن بكره رسل لي مسج حسبي الله عليكي انا ماراح اسامحك باللي اخدتيه مني اول ماشوف المسج قمت اضحك هههههههههههه قولت انا كدا وصلت للي ابغاه رديت له مسج انا قولت لك قبل احولك قولتلي لا ماابغى منك شي لو سمحت ارسلي رقم حساب وبالفعل رسل لي رقم حساب وحولت له المبلغ اللي حوله اللي هو 500 ريال لاني خليته بالحساب لاني عارفه اصحاب القلوب المريضه الى فين تبغى توصل على باله اني صرفته واشتريت الجهاز واتورطت معاه ههههههههههههههههههههههههه
مو عارف اني استنى اليوم دا يجي علشان اثبت له انه من اصحاب القلوب المريضه هههههههههههههههههههه

بعد ماحولت له ارسلت له مسج اني حولت وانه انا قولتل لك ماتقدرت تورطني بشي وانا سويت الحركه دي بس علشان اثبت لك ان عقلك وقلبك مرضى وانك تستغل وضع الناس وحاجتهم خاااصه الحريم والحمدلله انه محتاجه بس بينت لك اني محتاجه واللي حولته خليته بالحساب لاني متاكده انك بترجع وتقولي كدا علشان اثبت لك انك استغلالي بس الله كشفك قبل يومين تقول حلالك وماحلالك وكلها يويمن بس وماصبرت ترسل حسبي الله ونعم الوكيل وماادري ايش وماراح اسامحك
بس انا اللي اقولك دحين حسبي الله ونعم الوكيل وانا ماراح اسامحك لادنيا ولا اخره على الاستغلال اللي كنت ناوي تضحك عليا فيه بس الله نورني وفتح عقلي اني انا افضحك قدام نفسك روح حسبي الله عليك ونعم الوكيل
ولا عادي رد عليا بمسج

ايش رايكم بالله بالحركه اللي سويتها اللي فضحته قدام نفسه ؟؟

وكمان حبيت اقولكم انه بسبب الناس المرضى دولي انا غيرت رقمي وشيلته من التوقيع لانهم يحسبوني احطه للتعارف لاحول ولاقوة الا بالله وارسلته لكل اللي يتعاملو معايا وكل المشتركين معايا بالجمعيات

واقول يابنات انتبهووو من الفئه دي ناااااااااااااااااااااااا اااااااس مريضه حسبي الله عليهم