ماعندنا مشكله مع كحيلان ... بس إلى متى هالعجن وبعدين ...

أشوف كثرت المواضيع إللي تدافع عن رأيس النادي ...

ياالربع ما عندنا مشكله مع الآدمي نصراوي وعلى عيني وراسي ..

وكلنا نحس ونشوف في عيونه وكلامه حبه للنادي ..

لكن ....... هذا ما يكفي ...

لت وعجن ..


شفت الأفغاني الصبح ....

يعجن عجينته والزبون عند الباب ...

وهو يعجن والزبون ينتظر ويزيد طحين ويعجن .........

والزبون باقي واقف ..

قال تدري خل نروح نجيب فول يمكن يخلص العجن واللت .. ويرجع يستنى ويبرد الفول ...

ويتراكمون الزباين ... الرجال يلت ويعجن ..

ويصيحون فيه الزباين .......

أخلص علينا نبي لو خبز محروق ...

يا شيخ أعط أخوياك يمكن يخلصون علينا ..

ويطلع لهم بعد ما حميت الشمس وراح وقت الفطور ...يقول حطوا ريالاتكم في هالصندوق ..

لأنه ما يكفي الدقيق وراح نجيب لكم دقيق فاخر وشي مستورد وشي محلي ..

اليوم عجنا وبكرة أبشروا بالتميس ..

ويطلعون معه أخوياه ويوقلون شوفوا يديه والله تعب وعجن ..

اللي قبله كانوا يعجنون بس هذا يده أكبر ... وعضلاته أقوى أصبروا بس ..

بعضهم يخاف منه ويحط كم ريال .. وبعضهم يسحب نفسه ويروح ..

ويروحون الزباين وكل يوم على ذا الحال ... لت وعجن ...

ولا فيه نتيجة ...... هذا حالنا مع رؤساء النصر ....