ابي اصلي بس مو قادرة ساعدوني

السلام عليكم و رحمة الله و بركاته

الكلام اللي ابي اقوله امبين من العنوان

ياا جماعة الخير عمري21 و سعيدة بحياتي مع ابو ولدي للحمدلله ,,ابي اصلي بس مو قادرة ,,اصلي فترة و ارد اقطع,, برمضان اصلي كل الفروض حتى الجيام اروح مع عمي ابو ريلي مع قراءة القران ليلة 27 تركت صلاتي و ارجع بعد فترة ادور الصلاة و التزم فيها لمدة و ارجع اقطع


للعلم ما اصلي عشان مشكلة لا قدر الله بالعكس والله ابي اصلي لأني مستحية من الله لأن ربي مو مقصر معاي ولا شي لله الحمد والشكر ابي اصلي .. دايما لا صليت اقول ياربي اجعلني ممن تحبهم و تهديهم لسراطك المستقيم .. احس اكو شي كبير ابي اكسرة داخل قلبي اهوا اللي ما يخليني اصلي و استثقل الصلاة

شنو الحل يا جماعة ابي قرب ربي .. ابي الله ابي اصير قريبة منه دايما اقول ياربي لا تشغلني عنك الا فيك ,, اللهم اعني على ذكرك و شكرك و حسن عبادتك

الله يجزاكم خير ساعدوني ابي اصير وايد متدينه ابي اصير قريبة من الله اليوم انا مصلية كل فروضي بس ما احس ماكو خشووووع

انا كارهه نفسي ابي قرب ربي والله اليوم بالجامعة اراجع امتحاني و ابجي عشان هالسبب البنات على بالهم اني خايفه من الامتحان ,, دايما الاستغفار على لساني و ذكر الرحمن