طريقة توفير ، خاص لعرايس شهر 9 وفوق

سلاااااام بناااات ،،
:eh_s(17):

انا متابعه قديمة للمنتدى ، وبس ملجت، دشيت بنك رسمي ، عشان افيد واستفيد من هالقسم بالذات
عاد عقبال ما نتتقل حق قسم الزوجية ونسولف اهناك :D
تالي نروح قسم الحمل نسوي رزنامات حق ولادتنا :D
بعدين ندش قسم الطلبة نسال عن احسن المدرسين لعيالنا :D
عاد اخر شي نلتقي بقسم العرايس مجددا حق عروس بناتنا :D

لوووووووول ،،

اولا حبيباتي تقريبا اكيد كلكم عارفين شلون راح يتقسم المهر ، بين كيت وكيت وكيت إلـــخ .
لكن في شي مهم وراح يخليج توفرين ، لمه اطقين ( البدل+جواتي+اكسسوارات+جناط ) طقــه وحده!!!!

اذا مداج استلمتي المهر ومابلشتي ، او لي الحينج تنطرين ،
لا تقسمين الهدوم عن الجواتي عن الاكسسوارات إلــخ ،،
لانج بجذي راح تشوفين نفسج تشترين تشترين تشترين ، لكن وبعدين؟ شنو الي يلوق مع شنو؟ شنو الي ينفع مع شنو ؟؟؟ ماكو معلوم صح :D؟

سوي كالتالي عشان لا تصيرين ماكو معلوم :D:
- للبدل ، حددي مابين 9 الى 10 لوكات فقط .
يعني شي تنورة ، شي تفصال ، شي نفنوف .
المهم يكونون محددين .
خلصتي ؟؟؟؟
اختاري على اساسهم التالي :
- جواتي تلوق مع اللوكات الي اوريدي شريتيهم .
- اكسسوارات طقم ، مثل دكني وقيس وهالسوالف، واهيه اسعارها متوسطه، تبلش من ال30 .
- ساعات ماركة همن من الطبقه المتوسطة ، ام 30 او 40 او 50 . طبعا تكون ماركة ماركة مو تقليد درجة مادري جم !!!
- الجناط هم تاخذين جناط ماركة ، مثلا من ميلانو والا قيس والا ايكو ، ريفر ايلاند إلـخ، هذول اسعارهم مابين 18 الى 50 .

كل هالاشياء تختارينهم بعد ماتخلصين رسمي من البدل ... وخلج ذكيه اشوي واختاري شي يلوق مع بدلتين او ثلاث .. مثلا جنطه ، او ساعه ، او جوتي .


بجذي راح تفتكين من التجيل الي على غير سنع ، وحطي ابالج انج مراح تهاجرين ترى ، اخذي بس الي يعبرج بحدود الثلاث شهور .
لان كل شي تروح موضته ومهما شريتي مراح تقدرين تلبسينه لي بعد خمس شهور من الزواج وحطي ابالج تغير الاجواء من شتا الى صيف ومن صيف الى شتا ، فحرام اتجيلين ويروح نص مهرج على شي مراح يدوملج !! ،
خلج محدده قد ماتقدرين