تجربتي مع كريم التبيض فير اند وايت

السلام عليكم ورحمة الله وبركاته

شلونكم يا حلووين ’

كنت قريبة يم صيدلية بوتس فقلت اشوف شنو عندهم وتمسكني الصيدلانية ما ادري اللي تبيع

وتمدح بكريم فير اند وايت للتبيض انا للامانة ما احب خلطات التبيض وهالسوالف

لانه ادري انها ضارة لكن قلت هذي صيدلانية و ثقة و خصوصا هالماركة سامعه عنها

وايد بالمنتدى انها ثقة وفرنسيه فتشجعت واشتريته

جريته اول يوم مرة عقب قعدت الصبح ويهي فيه احمرار خفيف و بقع نفس اللي تتقشر

علبالي صدفية لانه اختي فيها صدفية المهم اخترعت و حزنت :(

قلت خل اريح بشرتي ما احط لها شي و ظليت جم يوم ما احط لها الا روب

عشان تخفف الاحمرار المهم عقبها بجم يوم قلت خل اجرب الكريم مرة ثانية

واحطه بس سبحان الله ما كنت مرتاحتله فقطعته والاحمرار والحرارة زادت

حتى بيدي وجسمي طلع بقع حمر ويحكون !!

احترت شنو فيني امي تقول ليكون عنقز هههههههههه

المهم اخرت روحة الدكتورة لما اخلص من الامتحان عاد لا تشوفون شلون اتحكحك

بس صامدة ما عندي وقت حزة الامتحانات

واليوم رحت سألتني الدكتورة انتي شنو مستخدمة على بشرتج

قلت عادي ما استخدمت شي جديد الا كريم فير اند وايت مرتين بس

تقول اي منه هالحساسية و عطتني حبوب وكريمات للحساسية


الخلاصة يا بنات ما انصح تشترون اي مستحضر طبي الا عن طريق استشارة طبيب

حتى بعض الصيادلة الله يسامحهم غرضهم تجاري

حطيت تجربتي علشان انصحكم وتدعون لي اتشافى :)