انا حرة واموت فى الحرية ومزاجى اعمل سحلية
ازحف ع الارض وع الحيطة واطلع وانزل واعمل زيطة
واضرب فى الشمس طرمبيطة انا حرة بديلى وبراسى
وماحدش يكتم انفاسى وما اجطش ماسك الاحساسى
ولا احط قزاز ولا اقفل شيش
عقلى يا هزاز كلك نغاشيش
انا حرة اعيش انا عاوزة اعيش
انا بدى اعيش انا نفسى اعيش
على كيف كيفى
انا حرة واموت فى الحرية ومزاجى اعمل سحلية
ارقع فى الشمس الزغروطة واخد حمام من غير فوطة
انا براسى وبديلى حرة بنهارى وبليلى
حرة مناخيرى القطقوطة انا حرة بخشمى مهوش خشمك
وماحطش برقع ولا يشمك
انا حرة واموت فى الحرية ومزاجى اعمل سحلية
ولا احط قزاز ولا اقفل شيش
عقلى يا هزاز كلك نغاشيش
انا حرة اعيش
انا حرة واموت فى الحرية ومزاجى اعمل سحلية
انا ابقى سحلية وسيمة ويجينى برص بتاع سيما
وبتاع مزيكا وترا لم لم واتاواى فى حضنة وانا بحلم
ويقولى ابتسمى يا بسيمة وافرحى بالمية والخضرة
ما تحطيش احمر ولا بودرة
ولا احط قزاز ولا اقفل شيش
عقلى يا هزاز كلك نغاشيش
وانا حرة اعيش
انا حرة واموت فى الحرية ومزاجى اعمل سحلية
سحلية وحابيبى سحالى انا حرة بحالى ومحتالى
حرة اصحصح ولا اسخسخ ولا اغنى وقلبى يشخشخ
ابواب الدنيا فاتحة لى ما اقعدتش فى الاودة لوحدى
وما احطش ايدى على خدى
ولا احط قزاز ولا اعمل شيش
عقلى يا هزاز كلك نغاشيش
انا حرة اعيش انا عاوزة اعيش
انا بدى اعيش انا نفسى اعيش
على كيف كيفى
