أسلوب الطاقية - أرفع السهم نسبتين في يومين .. بكل بساطه ؟

بسم الله الرحمن الرحيم


إسلوب الطاقية - رفع سهم أي شركة من دون محفزات أو أي شي !



ما سيروى لكم من قصة حدثت في عالمي الإفتراضي (لكن ، ممكن حدوثها في سوقنا السعودي) ، !


يوجد 4 مضاربين هوامير (ممكن يكونوا أفراد أو صناديق بنوك أو حتى مجموعة) ، عندهم فلوس كثيرة وشوية مخ ، ويبون يطلعون ربح( 1 مليون ) (لكل واحد في يومين فقط !!!)



في سهم مسكين (ونائم) وسعره حاليا 10 ريال في السوق


تبدأ القصة بسلسلة الشراء المربوطة والمتقنة الاحترافية ، كالتالي :







المرحلة 1. يشتري مضارب رقم 1 ،( 2 مليون سهم ) من السوق بسعر 10 ريال (على دفعات ، إما على نار هادية أو بإختطاف من المعروض) ، بعد ما يجمع هالكمية ، يقوم بإصدار أوامر بيع ب 10.5 في السوق ! ولكن فقط نصف الكمية (فقط 1 مليون سهم)


المرحلة 2.لكن ، مين إللي بيشتري من مضارب رقم 1 ؟ ، طبعا ، مضارب رقم 2 (على دفعات ، خل نقول 4 دفعات 250.000 سهم كل دفعة) ب 10.5 ريال. بهذا يصفي عند مضارب رقم 1 1000,000 سهم ، وكذلك مضارب رقم 2 نفس الكمية.


المرحلة 3. يتحرك مضارب رقم 2 حيث تبدأ عملية عرض بيع الأسهم إللي شراها ب 10.5 ليعرضها على 11 ريال (نسبـــ %ــة !!!!) ، مين المتفائل إللي بيشتري ، شي أكيد مضارب رقم 3 (أيضا على دفعات) ، كل الكمية 1000,000 سهم ، الحين مضارب رقم 2 صفى محفظته.


المرحلة 4. بعد ذلك ، مضارب 3 يبي يسوي شوية ربح ، فحط أمر بيع ثاني يوم على 11.5 ريال ، 1000,000 سهم (كل إللي شراه أمس من مضارب رقم 2) ،


من المسكين إللي يبي يشتري الحين ؟ ، أكيد مضارب 4 (أخر العنقود) ، بهذا يتخلص مضارب رقم 3 من كل أسهمه ويصفي محفظته ،


الحين مضارب رقم 4 شكله توهق هالمسكين ! من راح يشتري منه (غير هاالفقارة صغار المضاربين) ؟ ، شكلكم نسيتو ! ، في أول القصة ، كان مضارب رقم 1 عنده 2 مليون سهم باع نصفهم على مضارب رقم 2 ، والآن تحين الفرصة للشراء المزيد (شكله فلوسه كثيرة وماعنده مخ ! ، ممكن ؟ .. خلونا نشوف :) ) ،


يبيع مضارب رقم 4 كل أسهمه على مضارب رقم 1 ، ويصير عند مضارب رقم 1 ، 2 مليون سهم ( مليون من قبل ب 10 و الحين مليون ب12 ريال) يبيعهم على صغار المضاربين بسعر السوق (المتحجر والواقف على قرابة النسبة 12 ريال ، حيث الطلبات في زيادة متواصلة لتفاؤل الناس في الشراء).





زين وش الزبدة ؟

كل مضارب ربح 500,000 ريال بإستثناء مضارب 1 ، ربح 2.500,000 ألف ريال (يأخذ 1 مليون ريال لنفسه ، ويوزع ال 1.500,000 ألف ريال بالتساوي على الشباب الثلاثة الباقين)


ملاحظة : الإسلوب أو الطريقة أو التكتيك هذا ممكن يعمله شخص واحد بأربع محافظ ، أو حتى بمحفظة واحدة ، إذا عنده فلوس زيادة ! :)


سؤالي ، هل الشركة ربحانة ؟ فيها حوافز ؟ أو أي شيئ ؟ ،


الجواب البسيط : مو مهم !!! ، الهوامير يبون يربحون على حساب هالمساكين !


الله لا يخسر مسلم ..

طبقوووها في نماء .. زين .. الاركان .. اعمار .. الخ ..
الفرق ان عدد القروب اكثر من 4 ... وعدد الاسهم المشتراه اكثر من المذكور بالاعلى ..
المثال بالاعلى للتبسيط فقط ... لكنه واقعي جداااا :)

بالتوفيق للجميع ..

(من مستعد للتطبيق :) )