مووضوع للنقاش حياكم

السلام عليكم

كيفكم اعضاء اسواق ستي..؟؟

انا حابه افتح موضوع وابغى نتناقش فيه

حكايه الجمعيات اللي احنا نعملها بالمنتدى يعني في ناس معرووفين انهم مسوولات عن عمل الجمعيات زي انا ورانتس وسكر زياده وريما الرياض ودروب العطا وسكرينو وغيرهم
بس في ناس دوبهم مشتركين بالمنتدى ومشاركاتهم ماتعدت ال200 مشاركه وكلها تقريبا في مواضيعهم للجمعيات
يعني مو مشاركات تذكر وكل اللي داخلين معاهم بالاشهر او بالاسابيع الاولى معرفات يادون 10 او 15 مشاركه لهم
ودا الشي سبب خوف عند الاعضاء من حكايه النصب ومن حقهم بصراحه يخاافو
انتو ايش رايكم ؟
حابه اسمع رايكم هيا الجمعيات تفك ازمات خاصه للي ماعندهم وظايف او مو حابين ياخدو قروض بسبب الشروط التعجيزيه للقروض والنسب الكبيره اللي ياخدوها على القروض والتقسيط

يعني انا اقول لو جميع اعضاء اسواق ستي يختارولهم مجموعه من الاسماء يكونو مسوولين في عمل جمعيات يعني يكونو ثقه ويكونو قادرين على دي المسووليه يعني علشان يقطعو الشك باليقين ويكونو اللي بيدخلوو واثقين ومرتاحين للي بيدخلو معاهم ويكون فيه احساس انه ممكن يكون في نصب واحتيال

وكمان اللي عنده فكره او اقتراح يتفضل يقولها
(ومعاليش اللي بيرد ويقول كيف تثقو وكيف تدخلو بالجمعيات من النت والكلام دا بلاشي يرد بالله لاننا بناقش مو نزيد خوف وتوتر)
لانه زي ماكانت التجاره قبل خوف دحين تشتري من النت بكل ثقه
وانا عن نفسي حكايه جمعيات النت مريحتني اكتر من جمعيات الاهل
جمعيات الاهل فيها مماطله وتاخير يعني لاني اموون عليكم وكدا
بس جمعيات النت وربي فيها التزام اكتر بكتييييييييييييير من جمعيات الاهل بصراااحه انا اتكلم عن تجربتي