افاااااااااااا...... ..........!

أنا في الدوام جاني خبر عدم تجديد كماتشو طبعا في دوامي ماشاءالله كثير اهلاويه وصرنا نتكلم في موضوع كماتشو في الزعلان وفي المتفائل بس دوبني جيت من الدوام وقلت خلني اتصفح في المنتدى واشوف ايش اخبار الملكيون وتفاعلهم في الموضوع الي شفته والله صدمني ايش هذا التشاؤم وبعض المواضيع حسستني ان ميسي قرر ترك النادي الاهلي لا وفيه ناس قالت ماراح تتابع الاهلي من بعد كماتشو
معقوله في ناس تفكر بهذه الطريقه أنا من مشجعين الاهلي من زمان وأول نهائي حضرته كان نهائي كاس دوري خادم الحرمين الشريفين عام 1416ه مع الهلال 2/1 للهلال ومن ذيك الفتره وانا من متابعين النادي ومحبينه المخلصين حوالي اكثر من 15 سنه انا ماشفت الاهلي في الفتره الغير قصيره هذه بهذا المستوى طوال الموسم منافس بقوه على كل البطولات ولا صوت يعلى على صوت الاهلي هذا الموسم وصارت جماهير الانديه تتابع مباريات الاهلي علشان تتفرج كوره هجوميه بحته تتوقعو ان هذا كله صار علشان كماتشو لا يحبيبي كماتشو كان جزء من فريق منظم تنظيم غير وراه إداره مصممه تريد رجوع الفريق لهيبته وسطوته ظهرة في بداية الموسم حيث تعاقدت مع مدرب اعتقد والله اعلم هو سر قوة الفريق هذا الموسم وتعاقدات مبكره وموفقه ومعسكر مبكر وتفكير جديد حيث جعل المدرب ادارة الفريق تفكر ولأول مره تفكر في الاستقطابات مع لاعبين يفيدو الفريق بسرعه حيث ان الاهلي كان سابقا اغلب لاعبيه يأتو من مدرسة النادي التي كانت ومازالت قويه لاكنها كانت لاتكفي لكي تنافس بقوه على البطولات وعلشان تعرف انظر الى فريق الاتحاد والهلال في اخر 15 سنه اغلب نجوم الفريق ليسو ابناء النادي لذلك كانو كل سنه ينافسو في كل البطولات وكل سنه يدعمو فريقهم بلاعبين جدد هكذا يفكرو الكبار وهذا ماآراه في النادي الاهلي هذا الموسم يفكر بطريقة الكبار صح انها مكلفه بس الطريقه الاسرع للتتويج بالبطولات يروح كماتشو وانشاءالله رايح يجي احسن منه وراح تشوفو لانه صار عندنا اداره واعيه ومدرب داهيه ماوقع مع الاهلي الا مابعد ان شرط عليهم بان يكون في يديه لاعبين يخدم الفريق وتعاقدات جديده في الخانات التي تخدم الفريق في الموسم القادم
موعدي وموعدكم البطولات الموسم القادم بإذن الله