اولا هذا اول موضوع لي في منتداكم المتميز
<<مبروك
ياســــــــر والعالم الخكري
هذا يا طويلين العمر والسلامه تعطل علي الموتر بشارع العليا العام..
وقعدت أأشر عشان القى احد يوصلني للبيت يوم وقفت لكزس 430 فيها بنات قصدي شباب ثلاثه بس من النوع الرقيق
قلت لهم الله لا يهينكم ابغاكم توصلوني للبيت سيارتي متعطله قالوا: لا حنا بس موقفين نسئلك من وين مشتري البطانيه الحلوه الي عليك؟؟ قلت لهم هذي فروه يا من العمى بس وصلوني و اقولكم من وين اشتريتها..
يوم جيت اركب قال اصبر اصبر:: يوم طلع منديل وحطه على المرتبه وقالي يله الحين اركب
طبعاً هم كانوا لابسين البناطيل الوسيعه الي تجيك يابسه اذا بغى يلبسها يوقف البنطلون على الارض وينقز عليه من فوق السرير وفنايل مزلط وربطات بروسهم (الظاهر روسهم توجعهم ورابطينهن ) وحاطين مناكير بأظافرهم
الزبده قالوا حنا بننزل للسوق دقيقه بنأخذ غرض انزل معنا يوم جيت انزل قالي السواق (وائل) تعال اعطرك لانه ريحتك ريحة حريقه (يقصد ريحه الحطب ) ونزلنا بالسوق واشتروا لي شعر البنات (الحلاو الزهري ) وطبعاً هم ما معهم ابواك لا كل واحد معلق شنطته بيطه واشتروا سلاسل واساور شكلها لأهلهم (اشوى انهم لبسوها يجربونها بالمحل )
يوم رجعوني للبيت اول ما دخلت على اهلي فصخت الثوب وعلقته مع العبايات حقت الحريم
الزبده يوم صار الصبح رحت للبعارين حقتنا يوم شفتهن اثرهن ورديات كلهن وبهن نقط سود بعد واناظر الراعي اثره لبناني مهوب سوداني ولابس كرفته بعد وانا جالس الآحق البعارين مهوب بالشاص لا بالفلكس واجن الجديده (بيتل) ولونه فوشي وفيه خطين بالسقف سماويات ومشغل المسجل مهوب على عزازي لا على آي ام ستل جينفر لوبيز قلت ما لي الا اروح للغدير اشوف وضحى واشوف هو انا بحلم ولا بعلم والقى وضحى لابسه سترتش زهري وحاطه الكمبيوتر على حزمه تبن وجالسه تسولف بالمايك قلت ما لي الا عمي ابو وضحى يوم رحت لمه اشوى لقيته جالس ببيت الشعر يوم دخلت وسلمت عليه قال يا ولد يا مناور صب الميراندا فراوله لعمك الشيخ ياســـــــر
وشوي ويطلع ريموت التلفزيون ويشغل قناه روتانا ويردد اغنيه بهاء سطان ((قوم اوقف وانت بتكلمني)) يوم جو الرعيان يركضون يقولون لعمي تراه الحنشل والحراميه صرقوا كل الخنازير طلع عمي يربي خنازير وقام عمي بدال ما يطلع البارود طلع عصيان كهرب و وزعها على الرعيان وراحوا يلحقون الحراميه يوم ركضت بالحقهم وانا ما ادري وش السالفه طحت وصقع راسي بالحصاه يوم فتحت عيونه الا العيال اخوياي مناحي وبو فيصل والزكرت كلهم جالسين عند النار يطبخون الذبيحه وانا نايم تحت الجيب الربع والعيال من زين المزح جالسين يجدعون الحصى على راسي عشان اقوم من النوم
يعني طلعت احلم
ورحت لا شعورياً ابوس اخوياي كلهم واقول الحمد لله على نعمه الرجوله
ما يستفاد من القصه:
1- الرجال رجال والمرأه مرأه ... يعني نص ونص ما ينفع
2- لازم نتمسك بعداتنا وتقاليدنا الزينه ولا نخلي التطور و التقدم يأثر علينا
3- تقراء المعوذات قبل النوم عشان ما تشوف مثل هالكوابيس
4- انا كتبت هالقصه من خيالي سريع سريع يعني لا احد يشره
تحياتي,,
