فضيحة زين ( زين الكويتية تربح سنويا 300 مليون من زين السعودية والسعودي يخسر 2 مليار)

انا صريح ولا علي من السهم يدبل 500%
واببكتب عن الشركات اللي تخسر وتسرق اموال المواطنين وحنا نتفرج

شركة صادرت وخسرت 10 مليار من اموال الشعب السعودي بينما الشريك الكويتي جالس يربح على حسابنا
و اللي يجي يتفلسف علينا يقول انت حسود وخرابيطكم ماتهمني انا كتبت عنها بعد اعلان الهيئة لرفع راس مال ب 6 مليار بياخذونها من المواطنين وبتروح مثل ماراحت ال 10 مليار الخساير
والله حرام تضيع 10 مليار ريال و بعدها تضيع 6 مليار من فلوس الشعب في شركة مامنها اي امل
و اكبر دليل ان مؤسسة التقاعد باعت حصتها 5% قبل شهرين بالسوق يوم ارتفع السهم فوق 10 واول مرة نشوف التقاعد يبيعون باي شركة بالسوق وبسعر الاكتتاب و ما اتوقع يبيعون شركة فيه امل انه يتحسن وضعها
ومافيه اي شركة دراسات مالية قالت ان زين بيتحسن وضعها او تربح في المستقبل (حتى بعد الترقيع ) رفع راس المال لان المشكلة كانت بقيمة الترخيص 23 مليار و القروض الكبيرة و عقد ادارة زين الكويتية بنسبة من الايرادات .

المصيبة هي ان عقد عند تاسيس زين السعودية مدته 25 سنة مع زين الكويتية بالحصول على نسبة من الايرادات وليس من الارباح حتى لو ان زين السعودية خسرت
الايرادات هي المبالغ المحصلة قبل خصم تكاليف الرخصة السنوية و التكاليف الادارية وكل شيء

ايرادات زين السعودية في 2011 بلغت 6.7 مليار ريال
زين الكويتية حصلت على ارباح منها 4.2% موزعة 3.5% ادارة + 0.7% استخدام اسم زين
مايوازي مبلغ 281 مليون ريال ارباح عن سنة 2011اخذتها زين الكويتية والمساهمين السعوديين حصلو على خسائر 2 مليار في نفس السنة
والحين بيدفعونهم 6 مليار ريال عشان يسددون قروض وماتفلس ويستمر المسلسل زين الكويتيه تتربح من شركة زين السعودية و المساهم السعودي يخسر

زين لم تنجح لان الرخصة بسعر 22.9 مليار مدفوعه معظمها يقروض وفوائد القروض سنويا فقط اكثر من 1 مليار ريال تسجل كتكاليف او خسارة على زين وزد عليها نسبة تقريبا 4% من الايرادات تاخذها زين الكويتيه .
و مقارنة مع موبايلي رخصة موبايلي 12 مليار و فوائد القروض 200 مليون سنويا وادارة موبايلي الاماراتية لا تاخذ الا مبلغ 10 مليون دولار سنويا 37 مليون اول 7 سنوات فقط.
اما ادارة زين الكويتية متربحه 25 سنة حتى لو تخسر زين السعودية مايهمها المساهم السعودي لانها تاخذ حصتها من الايرادات قبل خصم التكاليف .
( لا يجي واحد مطفي النور يقول تسوي دعابة لموبايلي ولا الاتصالات حنا ماعلينا من خدماتهم نتكلم عن شركة في السوق من ناحية مالية )

ال 6 مليار اللي بياخذونها اكتتاب كلها بتطير لديون مستحقة خلال شهرين بتاريخ 27 يوليو

الشركة محتاج الان سيولة اكثر من 13 مليار حسب اعلان قوائمهم المالية ومراقب الحسابات الخارجي حذر بالحرف الواحد ( تجاوزت المطلوبـات المتداولة الموجـودات المتداولـة )
ماذا يعني ذلك ؟ يعني ان المبالغ المطلوب تسديدها من الشركة خلال هذا العام اكثر من كل مالديها من سيولة او مايمكن تسييله
مطلوبات متداولة 15.9 مليار ريال
موجودات متداولة 2.7 مليار
وهذا يعني انهم محتاجين 13.2 مليار خلال اشهر
وبيحصلون عليها 6 مليار من الاكتتاب رفع راس المال و الباقي 7 مليار قروض جديدة و يستمر المسلسل المكسيكي


http://www.saudishares.net/vb/attach...4&d=1338263401http://www.saudishares.net/vb/attach...5&d=1338263404http://www.saudishares.net/vb/attach...6&d=1338263407
الصور المرفقة http://www.saudishares.net/vb/attach...1&d=1338263401 http://www.saudishares.net/vb/attach...1&d=1338263404 http://www.saudishares.net/vb/attach...1&d=1338263407