ادخل وشوف هل انت من المضحوك عليهم

اغنام - ابل - دواجن - طيور

ما تخاف الله هالناس..
🌴🌴
كــــــعـــــــكـــــــــ ـة الــــــــطـــــــيّـــار وحــــــــــــلاوة الإصــــدار

بدأت مأساة الاكتتاب في مكاتب الطيّار للسفريات والرحلات المكوكية بين المجموعة الشمسية
عدد اسهم الشركه 80 مليون سهم عدد الاسهم المطروحه للاكتتاب 24 مليون سهم وتم تحديد قيمة السهم ب57 ريال ...

هيا بنا نسرق آسف معليش اقصد هيا بنا نحسب :

80 مليون سهم * 57 ريال = 4,560,000,000 ريال ياربااااااه ياربااااااه ..

تم تقييم الشركه بمبلغ اربعه ونص مليار ريال يعني اربعة الاف وخمسمية مليون ..

طيب خلونا نشوف وش عند الشركه (يمكن عندها مناجم الماس في افريقيا) وحنا ماندري وياغافلين لكم الله

اولا الشركه لديها 300 مكتب وغالبيتها مستأجر ماهو ملك ..

طيب فلنفرض ان كل مكتب فيه عشر طاولات .. حلو الكلام

عشر طاولات في 300 مكتب = 3000 طاوله

طيب كل طاوله عليها خرامه ودباسه وسماعة تلفون وكمبيوتر.. معناته :

3000 خرامه * 10 ريال (قيمة الخرامه ) = 30000 ريال ثلاثين الف ريال .

3000 دباسه * 10 ريال (قيمة الدباسه) = 30000 ريال ثلاثين الف ريال.

سماعة تلفون (اريكسون) * 200 ريال (قيمة السماعه)= 600 الف ريال.

3000 جهاز كمبيوتر مع طابعته * 1500 ريال = 4500000 اربعه مليون وخمس مية الف .

3000 طاوله مع كرسي * 500 ريال = مليون ونص ريال .

قيمة ديكور المحل مع البارتشن مع الارفف = 200 الف لكل محل

300* 200 الف = 60 مليون .


طلعت قيمة شركة الطيار =

30000 (خرامات) + 30000 دباسات + 600الف (سماعات تلفون) +اربعه مليون ونص (كمبيوترات وطابعات) +مليون ونص (طاولات وكراسي)+60 مليون (ديكورات المحلات) =

= 3720000 ثلاثة ملايين وسبعميه وعشرين الف .. خل نجبر المبلغ جعل اللي في بالي ماينجبر .. يطلع المبلغ بعد الجبر 4 مليون ريال .

كيف يتحول مبلغ الاربعه مليون الى اربعه مليار (هذا مايحصل فقط في بلادي).

طيب فلنفرض ان الشركه بعد الاكتتاب بسنه او عدة سنوات اعلنت افلاسها .. العالم الحين مايحجزون الفنادق الا عن طريق النت سواء من موقع الفندق نفسه او موقع بوكنج ويحجزون التذاكر عن طريق النت حتى تذكرة الصعود للطائره (البوردنغ باس) واختيار المقعد كلها بضغطة زر وانت راقد على سريرك في البيت .

نرجع لموضوعنا في حالة افلاس الشركه وش يبقى للمساهمين الضعوف ..

يبقى خير واجد هههههههه

3000 خرامه مستعمله و 3000 دباسه مستعمله و3000 كمبيوتر مع طابعه ايضا مستعمله وطاولات وكراسي نصها متكسر ومغبر وكم بارتشن

طيب في حالة عرضها في الحراج الدولي (بن قاسم) كم تسوى ؟؟؟؟؟؟؟؟؟؟؟؟؟

نسينا حاجه مهمه جدا وتعتبر من اكبر اصول الشركه ممكن فيها شوية تعويض للمساهمين (العوض ولا القطيعه).

اللي هي

الموظفين غير السعوديين طبعا 300 مكتب كل مكتب فيه 3 مصريين و3 سودانيين يطلع العدد 1800 موظف


وش يسوون المساهمين فيهم !!!!

حلوه وش يسوون فيهم .. هذي فيز يعني احلى تجاره يبيعون كل فيزه ب15 الف ريال

1800 موظف * 15 الف = 27 مليون .. يتم تقسيم 27 مليون ريال على 80مليون سهم يطلع لكل مساهم 33 هلله (خير ونعمه وقلناها من الاول العوض ولا القطيعه)..


لايسعني في هذه اللحظه الا ان ابارك للامير سلطان بن محمد الكبير والشيخ ناصر الطيار بزيادة ارصدتهم مليار ريال فقط حاليا و3 مليار ريال بعد ستة اشهر من الان ..

ويابلادي واصلي ...

ملاحظة / سيرفع المنع عن الملاك من تصريف أسهمهم المتبقية والتخلص منها بعد ستة أشهر من طرحها للتداول ولناء في المعجل والحكير ومن على شاكلتهم الف عبرة وعظة