السلام عليكم و رحمة الله و بركاته
شلووونكم شخباااااركم ؟
احب اعرفكم بنفسي بما اني يدديدة عليكم
اسمي فجورة و عمري 23 شهر 8 اصير 24
و متزوجة و عرسي تاريخ 20-12
بنات انا وزني 76 و طولي 164
وزني كله فبطني يعني انا متينه من بطني لي فوووق بطني وايد كبيرة وزني كله فبطني وزني وايد محير في اللي يشوفني و يقول اني مو متينة و اللي يشوف وزني ويستغرب يعني اضعف من 76 مشكلتي كلها فبطني بناااااات :eh_s(11):
لووووول باختصار بقولكم امي شنو تقول عن جسمي (ممتلئ من فوق و فارغ من الاسفل) و اختي تقول جسمي مقلووووب :eh_s(11):
بالعربي تمصخروا فيني :eh_s(10):
انا من فترة سويت رجيم لوووول رجيم من تاليفي خففت من الاكل و تقريبا ما كنت اكل عيش وايد :eh_s(11): بس بين علي والله الكل يشوفني يقول اني ضعفت بس المشكلة انا مو حاسة بهالشي و طبعا رجعت حليمة لعادتها القديمة و رجعت ادبها بالخمس وايد تظايقت من عمري كلش مو عاجبني جسمي و عرسي مو باجيله وايد هال6 شهور بيطوفون باسبوع :(
انا وحدة ما اقاوم الاكل و ازهق من الرياضه بسرعه
فكرة الرجيم بعيدة تماما عن تفكيري لان ادري ماراح اكمل فيها
اختي قالتلي على حبوب الجاي الاخضر بس انا مترددة لان ما اعرف احد مجربهم و ما ادري اذا لهم مفعوول سريع ولا لا .... انا اساسا تقريبا يوميا اشربلي من كوب لي كوبين جاي اخضر و اشرب زنجبيل بعد و هذيلا مسويين معاي مفعوول بس مفعوولهم بطيئ واااايد ... شرايكم بحبوب الجاي الخضر ؟؟
انا فكرت اسوي عملية تكميم معدة و بعد ما اقنعت امي انصدمت من ريلي امس اقوله ودي اضعف يقول انا ما صدقت اني افتكيت من سالفه قص الشعر طلعتيلي بسالفة الضعف بعد ترا انا ما احب البنت الضعيفة !!!! بناااات والله حطم كل احلامي الله يسامحه ::( انا هدفي من عملية تكميم المعدة ان ابي انجبر اكل كمية اكل معينة يعني ابي اصغر معدتي .... انا ما اقاوم الاكل كلش كله اقول ب هالمرة بس هالمرة لين وزني ما يصير 100 :( شرايكم بعملية تكميم المعدة ؟؟؟؟
و بعد فكرت بالكريمات الحرارية مالت التخسيس اللي حق منطقة البطن تسيح ادهوون و الشحووم هذي اووكي مافيها شي بس انا ابي انزل خدودي عد :( ويهي ما شاء الله شايف العافية :eh_s(22): مدووور مو عاجبني :( شرايكم بهالكريمات ؟؟؟
و حبوب سد الشهية كانت اول فكرة تطري على بالي بس كنت خايفة منها وايد لان ماراح اقدر استعملها العمر كله لان لها اضرار و هم اذا استعملتها فترة و قطعتها بعدين راح يرجع وزني الاول و معاه 20 كيلو مجانا :( هم بنااات شرايكم فيها هالحبوب ؟
بناااااات بختصار ابي حل ابي اضعف و ابي العمر كله مابي اضعف و ارد امتن مرة ثانية و ارد اضعف ... ودي اعود نفسي على نظام اكل معين
و خصوصا الحين لازم اضعف قبل العرس بس مادري شلوون
ابي مساعدتكم بنااات و رايكم يهمني وحدة وحدة :yaaaaaarb:
وزني الحالي : 76
الهدف الاول و الاخير : 60
:eh_s(11):
