بين الهجر والمواصل

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]

بين الهجر والمواصل


بكتب قصيدة ودمع العين يسبقني=وهجوس قلبي على الطاروق فزاعه

يازين اعشقك وبحر الشعر يعشقني=وأنا اعشق الشعر لجلك واعرف اسناعه

لك صورةٍ في خيالي ماتفارقني=على مدار اربع وعشرين ذا الساعه

نار الغلا في صميم القلب تحرقني= تطفي وتالع ولا تحتاج ولاعه

يازين في بحر حبك ليش تغرقني=رميتني في بحور مالها قاعه

عاقل وكني مراهق وانت ترهقني=تامر وانا اقول ..تم .. السمع والطاعه

لكن ابرجوك حذرا لا توهقني=بابور حبي وحبك .. جود شراعه

بيني وبينك عهد وشلون تسرقني=سرقت قلبي وخله عندك وداعه

صدقني انك ملكت القلب صدقني=ادواه عندك ... وعندك سبّت اوجاعه

بين الهجر والمواصل لا تعلقني=الوقت بيني وبينك طق باصباعه
[/poet]

قصيدة تحكي معاناة الحبيب عندما لايستطيع ان يقوى الهجر

على الرغم من تحفظي على بعض الابيات

لكن يالباسل قصيدة تشكر عليها ( أحس انك مسويها بعد صلاة العصر وجالس تشرب شاهي ومروق على الأخر ) .

تحية عطرة

http://www.mamarocks.com/hum_line.gif

صدقني انك ملكـت القلـب صدقنـي
ادواه عندك ... وعندك سبّت اوجاعـه

صح لسانك اخوي الباسل

كلمات رائعة خارجة من صميم قلبٍ تألم كثيرا

سلمت اناملك

تحياتي لك

حســــــــاسة

http://www.mamarocks.com/hum_line.gif

الاخ سعود
شكرا على مرورك
صح بدنك
شكلك تعاني من نفس المشكله
شاي العصريه
مع تحيات
اخوك
الباسل

الاخت حساسه شكرا
على مرورك
وعلى كلماتك العذبة والرقيقة
وجودك هنا اسعدني كيرا
مع تحيات
اخيك
الباسل

بيـن الهجـر والمواصـل لا تعلقنـي
الوقت بينـي وبينـك طـق باصباعـه

الباسل // صححححح لسانك ولا هنت

بين الهجر والمواصل 00000 لا تعلقني

هذا اللي يقطع القلب من جد وذكرتني بهالابيات :

احسّ مره كن شوقك بتـدليـل

___________ ومـره كانـك ودّ قلبـك اعانـي

كني بحبل ٍِ رابطينه هل الشيل

___________ لاني وصلت الارض واموت هاني

ولاني بقربك شارب ٍِ لي فناجيل

___________ حالي كما المرضان ذاق الهواني

ذا حبـكم يـابـنت زايـد بها الجيـل

___________ وانـا اعرف الـحب ماهو انـانـي

اشكي على الرزاق شفت البهاذيـل

___________ هو عـارف الاحـوال علاّم شاني

صح لسانك يالباسل...

قصيدة فيها من الجزاله الكثير ...

وفيها تشيهات جميله وعذبة ...

امتعنا بها بعد طول غيبة ..

ننتظر دوماً منك كل جميل ..

الله لايهينك اخوي منيف
وتسلم على الابيات الرفيعة
ومشكور وماقصرت على
مرورك مع تحيات
اخيك
الباسل

الباسل

اول مرور لي بالمنتدى..من حظي الزين بدات بقصيدتك التي اجبرتني ان اكون متابعه دائمه لما تكتب

صح قلبك ملااييين

اخوي عشق ليل
مرورك هنا أسعدني
وثنائك فخر لي
وشكرا لك مع تحيات
اخوك / الباسل

بيني وبينـك عهـد وشلـون تسرقنـي
---------------سرقت قلبـي وخلـه عنـدك وداعـه

صدقني انك ملكـت القلـب صدقنـي
-----------------عندك ... وعندك سبّت اوجاعـه

بيـن الهجـر والمواصـل لا iiتعلقنـي
---------------الوقت بينـي وبينـك طـق باصباعـه

الباسل الغالي
اقول وربي الشعر بالف خير دام انت واشكالك فوارسه
سلمت يالحبيب ولافض فوك

شقران

الشــــــــاعره طيف
مرورك هنا اسعدني وثنائك يجبرني
على تقديم المزيد
شكراً لهذا المرور
وتحياتي لك

الشــــــــــــــــــــــ اعر شقران
الشعر بخير بوجوووووووودك
ووجود شعار أمثالك
وممايسعدني مرورك وأبداء رايك
وتسلم لي يالغالي
مع تحيات اخيك
الباسل