منوعات & عام أنـا وجدتي ثريـا !!!!

<div><font size="5">السلام عليكم .... شلونكم ؟:dread:

أجرى سفير الأرصفة الحسنة اللي هو أنا إتصالا هاتفيا بجدته ثريا حيث بلغ الشوق مني لجدتي مبلغه .إزيك ياتيته سريا < ثريا .. وش تقول من أنت ؟ أفا ياجده أنا حفيدك ساكن .. وش بلاك مستمصر ؟ أبد ياجده من كثر ماأطالع ميدان التحرير وأخبار مصر أحمدي ربك ياجده مارشحت نفسي لرئاسة مصر . :2cool:
قالت أنثبر أنثبر . وش لونك ؟ والله بخير ياجده بس مشتاق لك وودي أسوي فيك شغله . قالت أعرفها أنقلع وراك .
الله ياجده من سكنتي الكويت صرتي مغروره لا تسألين عني الله يستر من تاليها . وش تاليها يالهيس ؟ ماأدري عنك ياجده أشوفك مطنشه .. إسمع لا تهذر كثير حصلت لك خوش عروسه.. جده قولي أوصافها بسرعه . ماعليك بنت حمولة وانا تنقيتها لك وخوش بنيه واعجبتني ..
والله ياجده عارف إختياراتك ماتختارين غير العصلااوات والعصقولات . ماعليك ماعليك تسمن عندك بالمطبخ .:wink2:
جدة الحين يومك عندي خطبتيلي الظاهر 30 بنت كلهم عصقولات قلت ماعليه بنات المملكه أكثرهم عصقولات من الرشاقه الزايدة والريجيم القاسي . :tongue2:
لكن ياجدة حتى بالكويت اللي بناتهم ماشاء الله أنحف وحده فيهم كبر نبيله شعيل أخت نبيل شعيل :cry:.. من النعمه الله لا يغير عليهم .. تركتي كل الدوبات والمربربات الكويتيات وماطحتي الا بعصلا ؟ جده عندي سؤاال سريع إنتي لك علاقة بصباح الشحرورة أو تقرب لك لا سمح الله .. أقوول جدة ياتخطبين لي بنت مربربة ولا أروح لسوريا . وش تسوي بسوريا ذبح وصلخ . ماأدري ياجده ياأروح أجاهد ولا أتظاهر ..وأقصد أرحل أرحل يابشار... مابدنا يحكمنا حماار ... ياولد لاتسولف بالسياسة بالتليفون ..
أي سياسه ياجده .. أنا من كثر مافيني خرعة من الحكومات ... أشوف الناس كل النااس شرطه .:cry:
المهم أبيك ترسل لي غريضات.. جده قولي حاجات ترى في ناس أصحابي بالإستراحه مايعرفون غريضات .بعضهم أبوه سعودي وأمه سويديه وخواله لبنانيين قالت ونعم بالسويد < فخذ من أفخاذ شمر .. جدة مو السويد الشمامرة :confused2:هذيلا السويد الشقران الأوروبيين . قولي ياجدة وش تبين من غريضات > عارف غريضات جدته كلها من الحواج حلتيته ومره ومشتقاتها .. بعد ياجدة وش تبين قالت وأرسل لي عباة < عبايه ليكون عرفتوا وش أصل جدتي ؟:couple_inlove:
جده الكويت مافيها عبايات ؟ قالت فيها بس ماحصلت شين زين يناسبن .
هنا تذكرت بجاد الدب هههه قلت جده تعرفين بجاد قالت منهو بجاد ؟ قلت لا ولا شي .. والله خفت جدتي تعرف بجاد وتبي عباية مخصره .
المهم ياجدة أبشري بس يقولون ياجدة ماعاد فيه عبايات حق عجايز كل العبايات مخصرة وانتي ياجدة ماشاء الله عليك شمحوطه وتلبسين عباية مخصرة خايف تسوين فتنة بين شعوب المنطقه .. فأنصحك ياجدتي العزيزة تروحين الزبير أقرب لك وتشترين لك عباية من الزبير وشحاطة زبيرية أحسن لك من العبايات اللي عندنا .. أنهبلت انت وش قاعد تقول ..
أبد ياجدة بس ترى الغريضات هذي تكلفك شي 5000 ريال < دايم يبلف جدته . قالت خلاص إشترهم وأنا أرسل لك 300 ريال :angry: لاجده خليهم 500 ريال قالت خلاص بس مو تشتري تتن جدة كم مره أقول لك أنا ماأتتن .. ترى دايم جدتي كل ماتعطيني فلوس أول شي تقوله لا تشتري تتن.. تعطيني أحيانا خمس ريالات لا تشتري تتن تعطيني ريالين لا تشتري تتن مره أخذت منها أربعين ألف ريال تقول لي ياويلك تشتري تتن هههه والله ياجدة أربعين ألف أصير وكيل مارلبورو بالمملكه .
ودايم تقول ..لا تشرب التتن يالمملوح ... يحرق ثناياك يالغالي .
( أبو أنس حبيب ألبي ركز على المملوح ) < تراه أنا وإنسى سالفة الأشهب اللي بيني وبينك ) >:frown:
ألوو جده الووو دايم تقفل الخط بدون مع السلامه .:angry:

هي قفلت وانا عليها أنــــــوح .... لا واعــذابـي وغربالـــــي
يازين مالك بالهجر مصلـــوح .... لا تبتعد وأشفـق بحالـــــي
من بعدكم هانت علي الـــروح .... والهم يتبعني ويبرالــــــي
شيدت لك بين الحنايا صـروح .... إن زالت الروح مازالــــي
الجـادل اللي تجـي وتـــــروح .... هي منوة الروح وآمالــــي
أنــا فـدا صوتهـا المبـحــــوح .... ولعيونها بـ أميل عقالــــي