المشاركة الأصلية كتبت بواسطة فرج حمد الشمري
المكان مطار الملك خالد الدولي ..
الساعه تشير اللى الرابعه صباحا ....
صدفه نتج عنها هذا النص .... امل ان يرتقي الى ذائقتكم........... ودمتم ....
---------------------------------------
[poem=font="Simplified Arabic,6,white,normal,normal" bkcolor="transparent" bkimage="backgrounds/38.gif" border="none,4,gray" type=2 line=0 align=center use=ex num="0,black"]
( مثل الضباب )
في صالة الركاب عيني تـوزع= ابي مكان يكون فاضي وشاغـر
ومرت عيوني في غيومٍ تقطـع=مثل الضباب احيان لا مر عابر
لين اقبلت وجه السحاب المربـع=سحابةٍ ..وعيونها لـي تناظـر
في جيدها عقد الحنان المرصـع=وفي صدرها فوح العطور متناثر
جتني تطشطش والمكان يتوسـع=وازوالها تحاصر عيون المسافر
قالت هلا .. قلت الخفوق يتمزع=لا مر مثلك في يدين الخواطـر
مدري سحابك او عطورك تجمع=ولا خفوقي جاك عطر ومباخـر
قالت ابيك تكون للحـب مرجـع=وابي انا الاشواق يمـك تسافـر
قلت العفو ممكن دقايـق اجمـع=وشلون جيتي والمكان متحاشـر
قالت غرامك مصع القلب مصع=واليوم شفتك قلت. يكفي اكابـر
وكل ماقريت اشعار بوحك تقطع=قلبٍ يحب الحب لو كان هاجـر
جيتك وسرب الشوق مني توزع=ويقول تكفى ! مايجي منك قاصر
وابيك ياعمـري بيـدي توقـع=انا التقينا يوم ..بأحساس ماطـر
قلت العفو ياليت هالوقت يرجـع=كان ارسمك بعيون كل المشاعر
هاتي يدينك قبل هالشمس تطلـع=ابنحت التوقيع وشـم وجواهـر
من شان يبقى في حناياك يطبـع=حب يتجدد ..دايم بشوق جامـر [/poem]
