الوضع تعبان والاخلاق خربانه , واللي م يدري بوضعي لا يحاكيني

مشكلتنا والنفسيه .. :vampire:

احنا ك شعب نعاني من مرض ماله علاج اسمه (نفسيتي زفت ) :rolleyes:

وهالمرض منتشر بشكل كبير كبيررر مره , وموجود بكل الفئات العمريه :cry:

بزران عجايز شياب شباب بنات متزوج عزوبي مطلق

سواق هندي ماشي بالشارع , بكل مكان :s5s:

محد صار يتحمل شي الا و ينافخ ويهاوش ويسب ويلعن :cry:

يعني مثلا وحده بالسوق وطيت عبايتها بالعربيه تلعن سلسبيلك وتفضحك وتهاوش وتسب

طيب اعصابك ي عمتي قلنا اسفففين م يحتاج تفشلينا قدام الناس :frown2::frown2:

في كل مكان لازم النفسيات متواجدين , حتى بالبيت لو تقول ل اخوك وخر شوي صارخ عليك :ranting:

حتى الخدامه صايره نفسيه م تتحمل الطلبات الا وتنافخ وتكلم نفسها , اعديناهم الدول الشقيقه :wink:

عصبيين واعصابنا ع شفا حفره , م عندنا ولا ذررره صبر , م نطيق من احد كلمه , ننتظر شي عشان نتهاوش فيه ونتهاوش عليه :nono:

لا اخوان ولا خوات ولا صديقات يتحملون بعضهم :cry:

والحساسيه صارت بزياده , ونشك ب انفسنا من اي حركه طالعه من غيرنا :to:


ف انا ابناقش معاكم هالمشكله اللي م ظنتي لها حل بس يالله يمكن نلقى طريقه نحسن فيها نفسياتنا :rolleyes:

بالعربي الفصيح حنا صرنا م نتحمل شي ابد , م نتحمل نصيحه ولا نتحمل احد يتكلم حتى لو نقد م نتحمله ,

مدري الدعوه حساسيه زايده والا السبب بالاكل اللي ناكله والا ايش بالضبط !

يعني حتتتى البزراااان صايرين م يتحملوون احد وش السالفه ي جماعه :eek::sick:

بالشارع مثلا اللي يدقون بواري عشان الزحمه وكذا تلقى اللي وراك مطلع راسه من الشباك

ويهاوش ويسب ويدقدق بواري حتى عروق وجهه بانت من العصبيه s121s

طيب انا وش اسوي زحمه قدامي م اقدر امشي s118s

والاباء والامهات بعد , يعني يدق عليك ابوك مثلا ويقول اللي عنده ويصك بوجهك ع طول طيب خلني اقول مع السلامه شي ليش كذا التفشيله !! :crybaby:

النفسيه عندنا عدددم , محد يتحممل احد يقول وخر شوي الا و تنقلب معالم وجهه وينفجر بوجهك

كأنك قايل بالله سلفني s121s

والا البزران , بس تقول له جيب لي كاس مويه بالله ينطلق عليك خدامه انا شايفني اشتغل عند ابوك ,

طيب انت اخوي وابوي ابوك :wink:

لاحول ولا فوة الا بالله والا اخواننا النفسيات اللي بالبي بي يجيك بزر عمره 9 سنوات

كاتب بتوبيكه ليه يا دنيا ضيعتي سنيني ومرزز جنبه مليون قلب مجروح وفيس حزين :cry:s74s

ي عمي رح باقي لك تطعيمه م اخذتها للحين عشان تكمل 10 سنين :ap:

وش هالحاله :confused:s77s

وخرر عن نفسيه بزر لانه بيفضحك عند اهلك :to:

والا اللي يكتبون بالبيرسونال اللي يكلمني ب احذذذفه رجاءا لحد يدخل علي :eek::nono:

خفي علينا يالمهمه , ترى نظام اسألوني شفيني مكشوف ,

مشكله لا قابلت ناس تمثل النفسيه :cg:

شي مضحك بس غريب بنفس الوقت :rolleyes:

حتى ابو هنود راعي البقاله م طلع منها نفسيته خايسه وقافله معه دايما , بس تقول له محمد عطني مويه سجل بالله ينطلق عليك وينفجر بوجهك :ranting:

ويذكرك بالتسجيل اللي سجلته وم دفعته للحين :naughty:

مشكله لا صار الواحد نفسيته ب خشمه واذا انفجر كب العشاء وفضحك :d

وانا م اطلع منها صراحه تقفل معي بدون سبب وادور احد بالبيت اتحارش معاه , ,

النفسيه اللي نعاني منها ب ازدياد بشكل عام والشعب السعودي بشكل خاص ,

لان الشعب الكريم لا قفلت معه قفلت معه , اصلا هي دايما قافله معاه

في كل مكان تروح له لازم تقابل شخص نفسيه , وممكن تكون انت النفسيه بعد s121s

حتى بالمدرسه تجيك مدرسه توها متهاوشه مع زوجهها والنفسيه اتششش ,

لو تقولها طالبه استاذه عيدي هالنقطه م فهمت رسبتها s121s

كلنا م نطلع منها هالنفسيه بس ياناس الواحد يتحمل شوي :lp:

يصير عنده صبر م صار يعني في مجلس قعده بنات يسولفون عن موضوع معين وهادين

فجأه نفسّو و انقلب النقاش ل جدال ويمكن يوصل للشوش :cry::s2:

حتى الطقاقات م سلمو من النفسيات ! s121s

قبل وش حلونا ندخل المحلات مبتسمين حتى صاحب المحل مبتسم وكذا والدنيا حلوه :yes:

اللحين يدخل واحد مكشر وبوزه ممدود مترين قدام لو تمر من جنبه محطك بالعقال من النفسيه الخايسه !! s121s

وين اللي حثنا بالابتسامه لانها صدقه , وينه يجي يشوف هالعالم اللي صارت م تتحمل بعضها .. :cry:

رسولنا محمد صلى الله عليه وسلم شاف العجب العجاب والذل والاهانه من الكفار ومازال يحث ع الابتسامه ,

وحنا م شفنا الا الفسقه واخلاقنا ززززفت :cry:

وربي حتتتى انا م صرت اتحمل كلمه من احد الا انفجر بوجهه , طيب ليش ؟ ووش السبب ؟ :to:

بصراحه حاولت ادور اسباب للنفسيه الخايسه بس م لقيت ! :cry:

يمكن لان الشعب السعودي كله صار كذا بس حتى ولو يعني المفروض نكون اكثر تحمل :ga:

حتى جدانا الله يطول ب اعمارهم من كثر م ازعجونا ب زمان اول صارو هم نفسيات بعد :yes::razz:

م يجي بزر يطمر ع الكنب حق جدتي الا وتمحطه وتطرده وتسب امه وابوه s121s

افا ي جدتي وين زمان اول اللي تقولين حنا م نعرف نزعل ولا نهاوش :ap:


احصائيه النفسيات ع حد علمي وصلت للبليون بالمجتمع السعودي , يمكن يجيك بزر توه مولود مكشر لا تستغرب اتوقع الموضوع صار وراثه , :cry:

وصار ابتلاء , تحس اللي نفسيته زفت مبتليه ربي , يمكن لان صرنا مقصرين بالصلوات وبعيدين عن ربي :cry:

بس اتوقع ان فيه سبب ثاني مخلي نفسياتنا في انحدار , وانا ابي منكم اراء ونتبادل ونتناقش بعيدا عن النفسيات s121s

ناقشوني بهالموضوع يمكن نلقى اسباب تعدل هالنفسيه

رجاءا اللي قافله معه لا يرد هاه , نبيه خارج الموضوع :ap:

ويقولون من القولون العصبي وكذا , لان القولون العصبي منتشر كثير عندنا ,

والله بلاها من النفسيه اللي بالخشم s121s

ولو تلاحظون ان النفسيات موجوده حتى بالجوالات ,

بالواتس اب لما ترسل بي سي ينقلب عليك واحد يحسبك تقصده طيب هذا بي سي

يعنني للجميع مب لك ياخي ,s121s

وش السالفه ي عرب وش بلانا منقلبين كذا , يمكن من الفسقه الزايده اللي عايشين فيها :cry:

طيب والبزران وش حلهم , حنا لما كنا بزران م كان عندنا اجهزززه كذا وكانت نفسياتنا تهبببل ,, :ga:

اللحين بزر معه ايباد وينافخ عليك ويمكن يقوم يحذفك ب اقرب شي عنده بس لانك طلبت منه شي

بالنسبه لي اخوي الصغير كذا , اذا طلبت شي يقول فاضي ل امك انا , امي هي امك ي زفففت :mad:

ولا أختي أم سسنتين اَخذ منها الريموت تقعد تقلب البيت :to:


ذبحتنا المراهقه م ودها تطلع :cry:

وش سبب هالنفسيه بظنكم ؟ s121s
ووش الحل معاها تهققون !! :to: