ياليت يااخت ريما الرياض الاقي منگ تجاوب .. انتي والآخ ظرف طارئ

السلام عليكم ورحمة الله وبركاته
انا سبق ودخلت مع الاخت ريما الرياض جمعيه صغيره اسبوعيه وانتهيت منها ولله الحمد وكانت ومازالت الاخت ريما مثال للآمانه ووالله العظيم لو لا ثقتي فيها مادخلت امي معها بجمعيه كبيره وسهمها من 1500
وانا احول من يوم 25 ليوم 30 كاأقصى حد ودور امي هو شهر 6 وانتظرت لحد يوم 30 وبعدين اتضح ان الكل حول عدا الاخ ظرف طاري يستلم ميلادي مع ان الاخت ريما ماوضحت بالجدول هالشي قالت الدفع من 1 لحد يوم 30
ورجعت هالشهر عدلت .. قلت مو مشكله ريما ممكن تحولين اللي وصلك وعدى كم يوم وانا ارسل يامسجات عالواتس يامسجات نصيه يامسجات بالمنتدى وساعات ترد واغلب الاوقات ماترد ..
انا اللحين جمعية امي ماوصلني منها الا 5 الاف فقط
واطالب الاخت ريما امام الكل انها تحول اللي وصلها واسهم الاخ ظرف طارئ ..
والله العظيم اني محرجه مع امي .. اقولها جمعيتك نهاية شهر 6 واجلس لهالوقت الم فيها ولاحياة لمن تنادي ..
انا راسلتك يااخت ريما عالواتس ودخلتي ولارديتي .. تقرين وتطلعين .. ووضحت لك وضعي واني معد احتمل وبنزل موضوع اطالب بجمعية امي ..
اذ انا غلطانه وجهوني هذا مو تشكيك فيك بس بصراحه وبدون زعل انتي تطنشين اوك يااختي ظرف طاري ماحول اسهمه حولي اللي عندك والله محد يدخل جمعيه الا وهو محتاجها اصبحنا اليوم كم بالشهر وانا انتظر جمعية شهر 6 مره الكونكت يفصل والاون لاين مايحول وانا مضافه ومع ذلك اعطيتك حساب جارتيً وبرضوا ماحولتي
لو سمحتي غير اليوم ماني منتظره الصباح بالكثير تكون بحسابي ..
زي ماانا مااتأخر بتحويل سهم الوالده ياريت تتجاوبون معايا ..
اي مسؤلة جمعيه تطالب بتحويل اللي وصلها وش يعني لو جلس الاخ ظرف طارى ليوم 10 او 20 انتظره ...
معليش لاتزعلون مني انا صاحبة حق ..
وانا هنا وامام الكل اطالبك بتحويل جمعية امي .. وياليت ماتطنشيني .. اذ الواتس يعلق عندك المنتدى مابه تعليق ردي هنا ..
وسامحوني بس انا عذرتها بتأخير الاخ ظرف طارئ وقلت حولي اللي وصلك لحد مايحول الاخ ظرف طارئ
وسامحوني على عدم ترتيب كلامي ..
شكرآ